Na prodaž vystavili dom, u jakim u dziacinstvie žyŭ Donald Tramp
Žyły dom u cichim rajonie Ńju-Jorka, dzie prajšli pieršyja hady žyćcia budučaha prezidenta ZŠA Donalda Trampa, vystavili na prodaž za 2,3 miljona dołaraŭ.
Piacipakajovy dom ahulnaj płoščaj kala 316 kvadratnych mietraŭ mieścicca ŭ rajonie Kvins. U 1940 hodzie jaho pabudavaŭ Fred Tramp, baćka budučaha prezidenta. Mienavita tut Donald Tramp pravioŭ pieršyja hady žyćcia, pakul siamja nie pierajechała ŭ bolš prastornaje žytło, piša The New York Post.
Heta asabniak u Ciudaraŭskim styli, jaki niejki čas navat vykarystoŭvaŭsia dla pražyvańnia turystaŭ praz Airbnb. Adnak apošnija niekalki hadoŭ budynak pustavaŭ i pastupova razburaŭsia — pakul u lutym hetaha hoda jaho nie nabyŭ miascovy zabudoŭnik za 835 tysiač dołaraŭ.
Novy ŭłaśnik pravioŭ maštabnuju rekanstrukcyju ŭsiaho za vosiem miesiacaŭ. Jon zachavaŭ aryhinalny fasad doma, ale ŭnutranaja častka była całkam pierabudavanaja. Ciapier dom znoŭ vystaŭleny na prodaž — pry tym ź nievialikaj źnižkaj: jon raźmieščany ŭ prestyžnym rajonie, dzie siaredni košt padobnych damoŭ składaje ad 3 da 4 miljonaŭ dołaraŭ.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie1
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary