Здарэнні1313

«Месца раней не правяралася». Раён, дзе знайшлі загінулага Максіма Зяньковіча, першапачаткова праігнаравалі

У Бярэзінскім раёне шэсць дзён працягваліся пошукі 14‑гадовага Максіма Зяньковіча, які раніцай 8 лістапада паехаў на ровары ў невядомым кірунку. Сёння днём яго знайшлі мёртвым. Камандзір пошукава-выратавальнага атрада «Анёл» Сяргей Коўган расказаў Onliner.by, чаму раён, дзе знайшлі хлопчыка, спачатку не праверылі.

Сёння ў 14:37 з'явілася інфармацыя ад МНС, што паблізу торфараспрацовак непадалёк ад населенага пункта Несцераўка Бярэзінскага раёна знайшлі ровар хлопчыка. Да знікнення Максім цікавіўся гэтай вёскай у мамы. Да Несцераўкі ад дома дзядулі — 1,8 кіламетра.

Вось пункт на карце, дзе меркавана знайшлі ровар. Гэта прыкладна за 2,3 кіламетра ад вёскі Карбоўскае, дзе знаходзіцца дом дзядулі Максіма.

Крыху больш падрабязна пра тое, як знайшлі ровар хлопчыка, расказалі ва УУС Мінскага аблвыканкама:

— У ходзе адпрацоўкі тэрыторыі быў знойдзены след чаравіка. Было пацверджана, што ён можа належаць 14‑гадоваму Максіму Зяньковічу. Круг пошукаў быў звужаны. У радыусе паўтара кіламетра пешая група наткнулася на сам ровар, які сваякі непаўналетняга папярэдне апазналі як прыналежны дзіцяці. У цяперашні час працягваецца адпрацоўка прылеглай тэрыторыі, у тым ліку з выкарыстаннем авіяцыі, з улікам балоцістай мясцовасці, — пракаментавалі ў ведамстве.

Фота ПСО «Анёл»

У 15:51 з'явілася інфармацыя ад міліцыі, што 14‑гадовы Максім Зяньковіч знойдзены. Ён загінуў.

— У радыусе кіламетра ад знойдзенага ровара было знойдзена цела непаўналетняга Максіма Зяньковіча без бачных прыкмет гвалтоўнай смерці, — напісалі ў тэлеграм-канале ведамства.

Пазней у МНС паведамілі, што цела зніклага дзіцяці знайшлі ў ходзе працы авіяцыйнай групы, то-бок з дапамогай верталёта.

Фота: УУС Мінаблвыканкама

Так выглядае месца, дзе было знойдзена цела хлопчыка. Мяркуючы па ўсім, дзіця знайшлі на забалочанай мясцовасці. На месцы працуе следча-аператыўная група. Экспертам трэба будзе даведацца прычыну гібелі дзіцяці.

Як расказаў Сяргей Коўган, камандзір ПВА «Анёл», мясцовасць, дзе было знойдзена цела хлопчыка, раней не правяралі.

— Першапачаткова быў знойдзены след зніклага хлопчыка. Але меркавана абверглі, што гэта яго след, таму кірунак не быў прыярытэтным. Сёння пры больш дэталёвым прачэсванні мясцовасці па квадратах, якія былі не абследаваныя або абследаваныя не цалкам, пошукавай групай у складзе ПВА «Анёл», лясніцтва і супрацоўнікаў міліцыі быў спачатку знойдзены ровар хлопчыка. Пасля быў падняты верталёт МНС, і ўжо з верталёта знайшлі загінулага Максіма.

Сяргей Коўган выказаў вялікую падзяку ўсім людзям, якія бралі ўдзел у пошуках хлопчыка: «Атрад «Анёл» выказвае спачуванні родным і блізкім Максіма».

Пошукі, нагадаем, вяліся кругласутачна, удзел у іх узялі тысячы беларусаў.

Каментары13

  • P6619
    14.11.2025
    Karaciej, avijacyju padniali na piaty dzień pošuku?!
  • пра галоўнае хтосьці скажа?
    14.11.2025
    Дык ад чаго памёр?
  • Vij
    14.11.2025
    пра галоўнае хтосьці скажа?, Ад голаду i смагі.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць