Bresckuju pradprymalnicu aštrafavali za pieraprodaž ałkaholu z duty free
Bresckaja pradprymalnica atrymała bujny štraf — amal 15 tysiač rubloŭ — za toje, što pradavała śpirtnoje praz Telegram. Supracoŭniki abłasnoj inśpiekcyi MPZ vyśvietlili, što žančyna niezakonna handlavała romam, harełkaj i brendzi, jakija kuplała ŭ duty free.

Fota ilustracyjnaje
Padčas kantrolnaj zakupki padatkaviki zafiksavali parušeńni. U vyniku žančynu aštrafavali pa dvuch artykułach: 6300 rubloŭ — za prodaž ałkaholu ŭ internecie, i 8400 rubloŭ — za realizacyju biez akcyznych marak. Ałkahol kanfiskavali.

U MPZ adznačyli, što heta — minimalnyja sankcyi. Pavodle zakona, štraf moh być značna bolšym — da 42 tysiač rubloŭ.
Kamientary