Biznesmiena ź Minska pasadzili pa čatyroch palityčnych artykułach. Jon padtrymlivaŭ Rasiju, a ŭkraincaŭ nazyvaŭ «chachłami»
Jaŭhien Vałychin robić vokny i zajmajecca škleńniem. Amal hod tamu jaho zatrymali i kinuli za kraty. Ale jahonyja pohlady zusim nie typovyja dla palitviaźnia.
Jaŭhienu Vałychinu 52 hady. Jon minčuk. Kali vieryć sacsietkam, spačatku vučyŭsia ŭ Rasii — u Mahnitahorskim industryjalna-piedahahičnym technikumie, — a paśla ŭ Biełaruskim kamiercyjnym univiersitecie kiravańnia. U Jaŭhiena jość niepaŭnaletni syn.
U Vałychina ŭłasny biznes. Bolš za 20 hadoŭ jon zajmajecca vyrabam i ŭstanoŭkaj PVCH-voknaŭ, bałkonnych ram i inšych padobnych kanstrukcyj. Śpiecyjalizacyja firmy — bałkony i łodžyi pad kluč: škleńnie, uciapleńnie, unutranaja abšyŭka, padłoha z padahrevam.
U sacsietkach mužčyny — nastalhija pa SSSR, reposty pra «hierojaŭ Navarosii» i krytyka rasijskich uładaŭ. U kamientarach jon nazyvaje ukrainskaha žurnalista Hardona handonam, ukraincaŭ — «chachłami» i «ŭkrachachłažydami», a Zialenskaha — narkamanam. Praŭda, na jaho staronkach prysutnaja i krytyka Łukašenki, ale apošniaje paviedamleńnie takoha kštałtu my znajšli tolki siamihadovaj daŭniny.
Apošni raz Vałychin niešta pisaŭ u sacsietkach naprykancy listapada 2024 hoda. Data zatrymańnia i sutnaść abvinavačańniaŭ suprać Jaŭhiena nieviadomaja.
Jaho niadaŭna asudzili pa čatyroch kryminalnych artykułach — «zakliki da sankcyj» (č. 3 art. 361 KK), «raspalvańnie varožaści» (č. 1 art. 130 KK), «abraza Łukašenki» (č. 1 art. 368 KK) i «abraza pradstaŭnika ŭłady» (art. 369 KK).
Prysud nieviadomy, ale jon byŭ źviazany z pazbaŭleńniem voli — Vałychinu pahražała da 12 hadoŭ kałonii.
«Naša Niva» — bastyjon biełaruščyny
PADTRYMAĆU źniavoleńni pamior asudžany pa palityčnych artykułach danosčyk i ŭdzielnik akcyj za Łukašenku
Mścisłaŭ Miekta: jašče adzin recydyvist rviecca va ŭładu, prykinuŭšysia śpiecnazaŭcam-jabaćkam
«Maje prodki — niemcy, ale ŭ dušy ja ruski». Niemiec atrymaŭ šeść hadoŭ za špijanaž. I cikavaja paralel sa spravaj Kryhiera ŭ Biełarusi
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary