Kamanda biełarusa Dźmitryja Bančynče pieramahła ŭ papularnym rasijskim šou «Liha tanca»
Dźmitryj Šašalevič vučyŭsia na fakultecie žurnalistyki BDU, ale ŭ chutkim časie zrazumieŭ, što tančyć jamu bolš cikava. Šmat hadoŭ jon pracuje pad psieŭdanimam Bonchinche i staŭ topavym tancoram u styli voh.
Dźmitryj pastupiŭ u Instytut žurnalistyki BDU ŭ 2008 hodzie. Ale svajo žyćcio ŭ vyniku vyrašyŭ źviazać nie z pracaj u miedyja, a z tancami, jakimi zajmaŭsia z 15 hadoŭ.
Biełarus stvaryŭ u Sankt-Pieciarburhu pieršy voh-dom — House of Bonchince. Zornym dla tancora staŭ 2017 hod, kali Dźmitryj udzielničaŭ u papularnym šou «Tancy» na rasijskim telekanale TNT i zaniaŭ tam druhoje miesca.
Ciapier ža jon sa svajoj kamandaj pryniaŭ udzieł u druhim siezonie papularnaha rasijskaha šou-čempijanatu «Liha tanca». Za pieramohu zmahalisia 24 kamandy. U žury byli Mihiel, Kaciaryna Rašetnikava, Dźmitryj Žuraŭloŭ i inšyja.
U vyniku pieramahła kamanda House of Bonchince na čale ź biełarusam.
Pry hetym Dźmitryj sutyknuŭsia z chejtam — u pieršuju čarhu ad tych, chto hladzieŭ šou va «UKantakcie». Niekatoryja hledačy abvinavačvali sudździaŭ u praduziataści i pisali, što tyja ciahnuli lubimčykaŭ. Apanienty adkazvali skieptykam, što kamanda Bonchince — heta ŭžo nie prosta pra taniec, a pra imiersijny teatr.
U svaim telehram-kanale Dźmitryj napisaŭ:
«Aŭdytoryja «UKantakcie» heta toje jašče zboryšča «znaŭcaŭ» žyćcia, tvorčaści i «paśpiachovych» ludziej. Takoj kolkaści žoŭci, uzłavanaści i bieskulturja nie bačyŭ daŭno. Apošni raz čytaŭ takoje, kali jašče ŭdzielničaŭ na tancach TNT. Ščyra? Praz vosiem hadoŭ ničoha nie źmianiłasia. Bolšaść hladzić dupaj. Viaducca na prostyja manipulacyi, nie bačać roźnicy, paŭtarajuć adnoje i toje ž i sami sabie supiarečać u vysnovach. Rady razumieć, što vyras. I ŭžo nie ŭsprymaju na svoj rachunak ich pisaninu. Ciapier dla mianie heta bolš padobna da sacyjalnaha daśledavańnia».
Viadomaje muzyčnaje šou «SamŠazam» zakryłasia ŭ Biełarusi. Mikita Najdzionaŭ raskazaŭ, čamu pierazapuskaje jaho ŭ Varšavie
U papularnym amierykanskim sieryjale pakazali biełaruskuju turmu — źniałasia ŭładalnica «Oskara»
Biełaruskija čynoŭniki źniali sieryjał dla padletkaŭ. «Vydalicie mnie internet», — prosiać tyja, chto hladzieŭ
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA11
Kamientary