Makron vyjšaŭ na hanak Jelisiejskaha pałaca i paśla prybyćcia prezidenta Ukrainy spuściŭsia jamu nasustrač. Zatrymaŭšysia dla fota, lidary prajšli ŭnutr.
Sustreča zatrymałasia amal na hadzinu — pavodle danych ŚMI, pieršapačatkova jaje anansavali na 10 ranicy pa Paryžy, piša «Ukrainskaja praŭda».
Jak paviedamlali raniej u Jelisiejskim pałacy, lidary «abmianiajucca dumkami adnosna ŭmoŭ spraviadlivaha i stałaha miru, u praciah dyskusij u Ženievie, amierykanskaha płana i ciesnaj kaardynacyi ź jeŭrapiejskimi partniorami».
Akramia taho, zakranuć pytańnie harantyj biaśpieki dla Ukrainy ŭ miežach «kaalicyi rašučych».
Sustreča adbyvajecca na nastupny dzień paśla pieramovaŭ ukrainskaj i amierykanskaj kamand u Fłarydzie adnosna mahčymych paramietraŭ mirnaj damovy dla zaviaršeńnia rasijska-ŭkrainskaj vajny.
Kamientary