U vydaviectvie Gutenberg Publisher vyjšła kniha apaviadańniaŭ Haŭarda Filipsa Łaŭkrafta «Inšyja Bahi». Pierakład ździejśnili siamiora pierakładčykaŭ, jakija abjadnalisia ŭ inicyjatyvu BelRead, adredahavaŭ knihu Andrej Chadanovič, piša bellit.info.
U Haŭarda Filipsa Łaŭkrafta jość tvory, jakija daśledčyki abjadnoŭvajuć u «Cykł snoŭ», — ź jaho i vybranyja apaviadańni knihi «Inšyja Bahi». Piśmieńnika šanujuć pieradusim jak majstra kaśmičnaha žachu, stvaralnika Ktułchu i nieźličonaj kolkaści pačvar, što ŭvasablajuć absalutny chaos, ale zbornik biełaruskich pierakładaŭ zaprašaje ŭ padarožža inšaha kštałtu. Heta padarožža ŭnutr, u Krainu Snoŭ — prastoru, dzie zamiest kaśmičnaj pustečy panuje najhłybiejšaja, časam amal nievynosnaja nastalhija.
«Padarožžy pa krainie snoŭ — nie prosta historyi, heta vytančanaja litaraturnaja sproba viarnuć stračanaje. Hieroi hetych apaviadańniaŭ, ludzi z tonkim adčuvańniem abo vyklučnym ujaŭleńniem, nie banalna ŭciakajuć ad prablem epochi i šeraści realnaści. Jany — mrojniki, jakija imknucca adnavić stračanuju suviaź ź lepšym stanam dušy, zdolnym na ździŭleńnie. Dziacinstva, uspaminy pra rodny kraj, vobrazy cichaha, staroha doma, nie zabrudžanaha horam, — usie hetyja elemienty stanoviacca budaŭničym materyjałam dla Krainy Snoŭ. Heta miesca, dzie ŭsio dahetul mahčyma, dzie pryhody i tajamnicy nie byli jašče vycieśnienyja racyjanalizmam i prahmatyzmam», — havorycca ŭ apisańnie na sajcie vydaviectva, dzie knihu možna zamović prosta ciapier.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy44
Kamientary