Kancerty ŭlubionca Pucina i Z-rasijan śpievaka Šamana (Jarasłava Dronava) farmalna prosta adkłali — ale ažno na hod, na śniežań 2026 hoda.
Kancerty Šamana byli zapłanavanyja ŭ hetym miesiacy ŭ Breście, Hrodnie i Homieli. Ale ich pieranieśli — taksama na śniežań, ale ŭžo nastupnaha, 2026 hoda.
«Naša Niva» dazvaniłasia da apierataraŭ, jakija zajmalisia prodažam kvitkoŭ. Nivodny ź ich pakul nie viedaje, u čym pryčyna pieranosaŭ.
«Zdavajcie kvitki, kali nie chočacie hod čakać, heta ž jašče dažyć treba», — adkazali ŭ adnym z punktaŭ prodažaŭ.
U aficyjnych akaŭntach śpievaka taksama infarmacyi na hetuju temu niama, a jaho kancertny dyrektar nie adkazvaje. Pry hetym na listapadaŭski kancert ruskamirca kvitki ŭ Biełarusi zusim nie pradavalisia — daviałosia padklučać rajvykankamy.
Na dniach byli sarvanyja kancerty Z-artysta i ŭ Biełharadzie. Pavodle słovaŭ žonki Šamana Kaciaryny Mizulinaj, «kijeŭskija terarysty płanavali rakietny ŭdar pa miescy mierapryjemstva».
«USU chacieli ŭdaryć pa placoŭcy ŭ momant vykanańnia na scenie himna Rasii», — była pierakananaja jana.
Z najbližejšych vystupaŭ u afišy Šamana vyklučna navahodnija ahańki ŭ Maskvie i Sankt-Pieciarburhu.
«Naša Niva» — bastyjon biełaruščyny
PADTRYMAĆCiapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary