Na hałoŭnym rynku stalicy nastupleńnie hoda Kania adčuvajecca amal u kožnym šerahu, a voś harodniny i fruktaŭ stała mienš, piša Tochka.by.
Na minskim Kamaroŭskim rynku značna źmianiŭsia asartymient. Tut aktyŭna źjaŭlajucca šerahi z navahodnimi cackami.
Rynak pastupova stanovicca padobny da składa śviatočnaha nastroju, jaki vyhružajuć prosta sa skrynak. U asnoŭnym — z kitajskich.
Kirmašovy blask paŭsiul
Hod Kania nastanie amal praz try tydni, ale koniej tut užo asiadłali.
Cacak asabliva šmat. Płastykavyja šary pradajucca naborami «dla chutkaj jołki», šklanyja fihurki z ručnym rośpisam akuratna rasstaŭleny pa skrynačkach, a miakkija simvały hoda Kania lažać cełymi tabunami.
Ceny na cacki pačynajucca ad Br0,4 za štuku i rastuć u zaležnaści ad materyjału i składanaści. Maksimalna budzie prykładna Br40.
Simvał hoda pradstaŭleny va ŭsich mahčymych farmatach: mini-koni na pryščepkach dla jołki, kieramičnyja statuetki, vialikija interjernyja fihurki i kalendary z kaniami — ad realistyčnych da adkryta dekaratyŭnych.
Samych maleńkich koniej možna kupić pa Br2—3 za fihurku, vialikich — za Br20. Miakkija koniki pamienš kaštujuć Br7—10, pabolš — Br12—20.
Stykiery možna nabyć pa Br2—5 za ŭpakoŭku, naściennyja kalendary — za Br4—6.
Śviatočnaha śviatła na rynku asabliva šmat. Pradaŭcy ŭklučajuć hirlandy prosta na vitrynach, tamu niekatoryja prachody vyhladajuć jak kirmašovyja tuneli.
Jość mikrahirlandy na batarejkach, jakija kaštujuć Br5—6 za štuku. Kłasičnyja varyjanty na drocie daŭžynioj ad 5 da 10 m pradajucca pa Br15—25.
Upryhožanyja śviacilniki ŭ vyhladzie hadzińnikaŭ i kaminaŭ pradajucca za Br10—80, navahodnija chłapuški — Br3—10 za štuku
Ź jełkami pakul ścipła, ale vybar jość. Nastolnyja maleńkija jołački kaštujuć Br5-12, štučnyja madeli siaredniaha pamieru pradajucca za Br50—150, ale ich pakul mała.
Aharodninnyja šerahi «ŭsochli»
A voś aharodninnyja i fruktovyja pryłaŭki vyhladajuć tak, nibyta ŭ ich aficyjna pačaŭsia adpačynak. Asartymient źmianšajecca litaralna na vačach.
Pa nazirańniach žurnalista Tochka.by, stała bolš tannaj bulby, burakoŭ, morkvy i cybuli. Biełaruskija ahurki i pamidory ad fiermieraŭ jość, ale zusim trochi. Zielaniny taksama stała mienš, jak i hryboŭ. A voś saleńniaŭ i harbuzy ŭsio jašče chapaje.
Ceny na asiennija harodninu pakul stabilnyja. Takim čynam, bulbu možna nabyć pa Br1,09—2,5 za 1 kh, kapustu biełakačannuju — pa Br0,99—2,99, cybulu — pa Br1,5—3,5.
U siarednim pa rynku cana na morkvu — Br2—4 za kiło. Buraki dastupnyja za Br0,99—4, a voś harbuz kaštuje — Br2—6. Samyja tannyja ahurki pradajuć pa Br6,9, daražej — Br13.
Biełaruskich pamidoraŭ taksama stała značna mienš. U cełym na siezonnym rynku pamidory pradajucca pa Br3,5—29 za 1 kh. Samyja tannyja piercy — amal za Br4, u siarednim — za Br8—12.
Šampińjony kaštujuć Br7,9—12 za kiło.
Časnok pradajecca pa Br13,9—25 za 1 kh, zielanina — pa Br14—25.
Znajšlisia kavuny i dyni
Siezonnaj sadaviny usio jašče šmat. Chapaje churmy, apielsinaŭ, mandarynaŭ, jabłykaŭ, hranataŭ i vinahradu. A voś jahad amal nie zastałosia. Taksama nie taki vialiki vybar hruš.
Hladzim ceny na samyja chadavyja tavary.
Ananasy kaštujuć Br10—35 za 1 kh — ad nievialikich da bujnych, z vyražanym vodaram. Apielsiny iduć upeŭnienym siarednim siehmientam: ad Br5,9 da Br16,9, vyhladajuć jarka i pruhka.
Na rynku ŭsio jašče jość kavuny — pa Br4,9 za kiło, u asnoŭnym nievialikija, ale sałodkija. Dyni pradajucca pa Br9,9—14,9: reštki siezona, ale pa jakaści jašče całkam prystojnyja. Banany zastajucca samym dastupnym fruktam — Br2,9—6,9.
Vinahrad — hałoŭny rekardsmien pa raźbiežcy cen: ad Br4,9 da Br35,9, u prodažy jak prostyja hatunki «na kožny dzień», tak i darahi bujny dla śviatočnych talerak. Hrušy davoli stabilnyja — pa Br10—12, ale ich mała.
Kivi — samy kapryzny punkt u prajs-liście: ad Br4,9 da Br46 za kiło ŭ zaležnaści ad hatunku i pamieru. Limony kaštujuć Br3,5—15 — varyjant dla napojaŭ, umacavańnia imunitetu i zimovych harbat.
Dobry vybar churmy — ad Br2,9 da Br20. Jość i miakkaja, i ćviordaja, i padhniłaja. Fiejchoa dobra idzie pa Br4,9—35.
Jabłyki zastajucca adnym z samych stabilnych i dastupnych fruktaŭ — Br3,5—15 za 1 kh, asartymient dobry.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary