Syrski: Uzdoŭž linii frontu razhornuta bolš za 700 tysiač rasijskich vajskoŭcaŭ
Hałoŭnakamandujučy USU Alaksandr Syrski zajaviŭ u intervju Sky News, što dla Ukrainy nieprymalna prosta zdać terytoryju ŭ ramkach luboha mirnaha pahadnieńnia z Rasijaj.
Pavodle jaho słoŭ, spraviadlivy mir moža być dasiahnuty tolki ŭ tym vypadku, kali bajavyja dziejańni buduć spynienyja pa biahučaj linii frontu, a zatym buduć praviedzieny pieramovy, paviedamlaje Bi-bi-si.
Syrski daŭ zrazumieć, što ŭkrainskija vajskoŭcy buduć praciahvać zmahacca, kali dypłamatyčnyja namahańni pacierpiać niaŭdaču, i papiaredziŭ, što na kartu pastaŭleny los usioj Jeŭropy.
— Naša hałoŭnaja zadača — abaraniać našu ziamlu, našu krainu i naša nasielnictva, — skazaŭ jon. — Naturalna, dla nas nieprymalna prosta zdacca i addać terytoryju. Što heta ŭvohule značyć — zdać našu ziamlu? Mienavita tamu my i zmahajemsia, kab nie zdavać našu terytoryju.
— Usie vojny ŭ rešcie rešt zakančvajucca, i, viadoma, my spadziajemsia, što i hetaja vajna skončycca. A kali heta adbudziecca, pavinien być ustalavany spraviadlivy mir. U maim razumieńni, spraviadlivy mir — heta mir biez papiarednich umoŭ, biez sastupki terytoryi, — dadaŭ Syrski.
Pavodle jaho słoŭ, bolš za 710 tysiač rasijskich sałdat razhornuty ŭzdoŭž linii frontu, pry hetym rasijski bok hublaje kala 1000—1100 sałdat u dzień, zabitych abo paranienych.
— Na dadzienym etapie rasijskaja armija sprabuje prasoŭvacca praktyčna pa ŭsioj linii frontu, — skazaŭ hienierał.
-
ZŠA abiacajuć pavialičyć pastaŭki zbroi Ukrainie, ale nastojvajuć na «samaabaronie Jeŭropy» ŭžo da 2027 hoda
-
Rasijanie masiravanym udaram atakavali Kremienčuh: u horadzie źnikli elektryčnaść, vada i aciapleńnie
-
Častka Biełharada zastałasia bieź śviatła paśla taho, jak na horad upała rasijskaja bomba
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary