Šaścikłaśnica ź Viciebska dapamahła vyratavać pasažyrku na borcie samalota
Padčas avijarejsu ź Jehipta ŭ Maskvu 11 listapada šaścikłaśnica ź Viciebska Sonia Udavienka stała pamočnicaj ekipaža i lekara, kali adnoj z pasažyrak — Halinie Razanavaj — raptam stała błaha. U žančyny adbyŭsia sardečny prystup, pišuć «Viciebskija vieści».
Ekipaž nieadkładna pačaŭ nadavać dapamohu, a da pasažyrki padyšoŭ lekar z Uładzimira — Ihar Ispraŭnikaŭ. Adnak častka ściuardaŭ nie razmaŭlała pa-rusku, i mienavita tut dziaŭčynka prajaviła siabie: dziakujučy viedańniu anhlijskaj movy jana stała pierakładčycaj pamiž lekaram, ekipažam i pasažyrami, jakija mahli dapamahčy.
Na praciahu ŭsiaho palotu Sonia apieratyŭna pieradavała ściuardu ŭkazańni doktara, sačyła za vykanańniem nieabchodnych dziejańniaŭ i faktyčna zabiaśpiečvała kamunikacyju ŭ krytyčny momant. Pavodle słoŭ vidavočcaŭ, dziaŭčynka zachoŭvała spakoj i navat prapanavała sastupić svajo miesca paciarpiełaj.
Muž pasažyrki padziakavaŭ usim, chto ŭdzielničaŭ u akazańni dapamohi, i asobna adznačyŭ učynak Soni: «Sardečnaja padziaka Soni, jaje maci i piedahoham himnazii za vychavańnie takoj cudoŭnaj dziaŭčynki. Naša siamja budzie pamiatać pra hety vysakarodny ŭčynak».
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka7
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2929
Kamientary