Pavodle jaho słoŭ, ES pieraśleduje tolki tyja płatformy, na jakich raźmiaščajucca niazručnyja abo inšadumnyja vykazvańni.
Zasnavalnik Telegram Pavieł Duraŭ zajaviŭ u X, što ES vystaŭlaje «nievykanalnyja praviły», kab karać technałahičnyja kampanii za admovu «cicha cenzuravać svabodu słova». Tak jon adkazaŭ na dopis Iłana Maska, apublikavany letam minułaha hoda, u jakim uładalnik sacsietki X paviedamiŭ, što Jeŭrakamisija prapanavała płatformie «niezakonnuju sakretnuju ździełku», paabiacaŭšy ŭ abmien na cenzuru niekatorych vykazvańniaŭ nie štrafavać jaje. Adnak X admoviłasia, zajaŭlaŭ biźniesmien.
Napiaredadni ES aštrafavaŭ sacsietku X na €120 młn, abvinavaciŭšy jaje ŭ parušeńni zakona ab ličbavych pasłuhach.
«Toje samaje my bačyli ŭ Francyi: biespadstaŭnaje «kryminalnaje rasśledavańnie», a potym śpiecsłužby prapanavali svaju dapamohu, kali Telegram budzie cicha cenzuravać vykazvańni ŭ Rumynii i Małdovie», — napisaŭ Duraŭ u X.
Pavodle jaho słoŭ, ES pieraśleduje tolki tyja płatformy, na jakich «raźmiaščajucca niazručnyja abo inšadumnyja vykazvańni(Telegram, X, TikTok…)».
Na dumku Jeŭrakamisii, vieryfikavanyja akaŭnty ŭ X z «siniaj ptušačkaj» ŭvodziać karystalnikaŭ u zman, bo ŭ X kožny achvotny moža za hrošy atrymać status «vieryfikavanaha» karystalnika bieź jakoj-niebudź istotnaj pravierki z boku kampanii.
JEK adviała sacsietcy 60 dzion na ŭstaranieńnie parušeńniaŭ, jakija datyčacca «siniaj ptušački», i 90 dzion — na vyrašeńnie pytańnia z prazrystaściu rekłamy i pradastaŭleńniem dostupu da danych.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary