Machlary abduryli 87‑hadovuju piensijanierku na 100 tysiač rubloŭ
U Pieršamajskaje RUUS Minska źviarnułasia 87‑hadovaja žycharka stalicy i paskardziłasia na toje, što machlary padmanam vyciahnuli ź jaje vialikuju sumu hrošaj.
Spačatku žančynie patelefanavali nibyta rabotniki «Biełtelekamu» i pad vyhladam padaŭžeńnia damovy vypytali pašpartnyja źviestki. Praź niekatory čas žančynie pazvaniŭ čałaviek, jaki nazvaŭsia supracoŭnikam siłavych struktur. Jon paviedamiŭ, što jana nibyta raniej razmaŭlała z machlarami, a ciapier ad jaje imia nibyta pravodziacca niezakonnyja finansavyja apieracyi.
Hety «siłavik» napałochaŭ piensijanierku mahčymym kryminalnym pieraśledam. Paśla jašče adzin zvanok — užo ad «bankaŭskaha rabotnika», jaki zapeŭniŭ, što kab paźbiehnuć adkaznaści, treba nibyta «zadekłaravać» usie źbieražeńni. Jon pierakanaŭ žančynu pieradać hrošy kurjeru, abiacajučy, što ŭsio budzie viernutaje.
U vyniku minčanka addała bolš za 100 tysiač rubloŭ u ekvivalencie. Paśla atrymańnia hrošaj «kurjer» źnik, i suviaź ź imi pierapyniłasia.
Pavodle faktu machlarstva raspačataja kryminalnaja sprava.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary