Źjaviŭsia anłajn-daviednik pa napisańni i vymaŭleńni nazvaŭ biełaruskich nasielenych punktaŭ
U Biełarusi — bolš za 23 tysiačy nasielenych punktaŭ. Daloka nie zaŭsiody zrazumieła, jak pravilna vymaŭlajecca i pišacca nazva taho ci inšaha. I kali šmatpakutny Łuniniec adorany naciskam u Vikipiedyi, to ź vioskaj na dziasiatak damoŭ mohuć uźniknuć pytańni. Kab heta vypravić, Ihar Pałynski z kalehami stvaryŭ admysłovy anłajn-daviednik, piša «Budźma».
Na hety momant u daviedniku možna znajści, jak pišucca nazvy nasielenych punktaŭ našaj krainy pa-biełarusku (z naciskami!) i pa-rusku, alternatyŭnyja varyjanty nazvaŭ (kali jany jość), a taksama daviedacca, dzie znachodziacca nasielenyja punkty i jak skłaniajucca ich nazvy.
Pa słovach Ihara Pałynskaha, jość jašče idei apisać ich pachodžańnie, dadać kaardynaty.
«Niekatoryja krynicy infarmacyi jość, my zajmajemsia ich uparadkavańniem. Mohuć być niedakładnaści — aryhinalnaja baza dosyć staraja, ale my łovim i vypraŭlajem błochi, dadajom danyja, jakija nam dasyłajuć (pakul asabista, ale prykrucim mahčymaść rabić heta praz sajt)», — piša Ihar Pałynski na svajoj staroncy ŭ Fejsbuku.
Dla anłajn-daviednika nabyli admysłovy damien bielarus.live.
Taksama adznačajecca, što ŭsia najaŭnaja na hety momant infarmacyja ŭ anłajn-daviedniku — na padstavie daviednika Valanciny Lemciuhovaj, a taksama z hramatyčnaj bazy Instytuta movaznaŭstva NAN Biełarusi.
Ciapier čytajuć
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary
Źmieny ŭ n.p. jość, pieravažna źniknieńnie.
Tak što alternatyŭnaja viersija nie zaminaje. Pry hetym naściarožvaje vypraŭleńnie pamyłak pa zapytach karystalnikaŭ. Kali heta apiski, to narmalna, a kali niešta inšaje, to zaležyć ad typa pamyłki, moža być nieadnaznačnym rašeńniem.