Prezident Čechii Pietr Pavieł u aŭtorak, 9 śniežnia, pryznačyŭ lidara ruchu ANO Andreja Babiša premjer-ministram krainy. Babiš, jaki niadaŭna adśviatkavaŭ svajo 71-hodździe, staŭ najstarejšym palitykam, jaki kali-niebudź uznačalvaŭ češski ŭrad.
Babiš, jaki ŭžo zajmaŭ pasadu premjer-ministra, viartajecca va ŭładu paśla čatyroch hadoŭ u apazicyi.
U kaalicyju ź jaho partyjaj ANO uvajšli dźvie pravapapulisckija siły: «Svaboda i pramaja demakratyja», jakaja viała kampaniju na krytycy mihracyi, u tym liku z Ukrainy, a taksama «Aŭtamabilisty dla siabie», jakaja vystupaje suprać «zialonaha paradku dnia».
U prajekcie prahramy novaha ŭrada havorycca, što jon adchilić sproby stvareńnia ahulnajeŭrapiejskaj armii. Taksama płanujecca pašyreńnie supracoŭnictva sa Słavakijaj i Vienhryjaj.
Andrej Babiš, pavodle Forbes, uvachodzić u dziasiatku samych bahatych ludziej krainy. Novaje pryznačeńnie adbyłosia na fonie doŭhaha kanfliktu intaresaŭ. Babiš źjaŭlajecca ŭładalnikam chołdynha Agrofert, jaki atrymlivaje subsidyi ad Jeŭrasajuza.
Prezident Pavieł nieadnarazova zaklikaŭ lidara ANO vyrašyć hety kanflikt. U vyniku Babiš zajaviŭ, što pieradaje Agrofert u kiravańnie trastu, i tolki paśla hetaha atrymaŭ zhodu prezidenta na pryznačeńnie.
-
«Armienija — heta ŭžo nie abrabavanaja vami i vašymi partniorami kraina». Pašynian rašuča adkazaŭ Łukašenku
-
U pravasłaŭnaj parafii na poŭdni Polščy carkoŭnaja ŭračystaść pieratvaryłasia va ŭsłaŭleńnie Rasii. Z pratestam vystupili lemki
-
Tramp zajaviŭ, što ź Iranam jaho zadavolić tolki «idealnaja ździełka». A prosta dobruju jon moh by zaklučyć prosta zaraz
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary
Klanuć Haveła hałasiat to kamuniaku ałkaša Ziemana ci za ašukanca ich ža abadraŭšaha miliardera )))
Kab ni Harbačoŭ i ni lasnuła saŭdepija tak i pili piva i na vuška na Husaka skardzilisia jak 1987 ))) Było takoje)))