U Diamond City adkryvajecca hipierdyskaŭntar. Što čakaje pakupnikoŭ u samaj bujnoj kramie sietki
Siońnia a 13‑j hadzinie na druhim paviersie handlovaha centra Diamond City (MKAD, rajon Malinaŭki) pačnie pracu hipierdyskaŭntar «Majak Maxi». Heta samy vialiki abjekt sietki, płošča jakoha pieravyšaje 2500 kvadratnych mietraŭ, piša Onliner.
Brescki kirunak, źjezd z MKAD, pobač Malinaŭka — napeŭna, niedachop bujnoj praduktovaj kramy tut byŭ adčuvalnym i dla žycharoŭ, i dla haściej Minska. Usio źmienicca ŭžo a 13‑j hadzinie: na druhim paviersie HRC Diamond Sity adkryvajecca «Majak Maxi» — abiacajuć «zvyšnizkija» ceny, a jašče padarunki i pačastunki.
Jak paviedamili pradstaŭniki «Majaka», hety hipierdyskaŭntar — samaja bujnaja krama sietki. Na płoščy bolš za 2500 «kvadrataŭ» pradstaŭleny niekalki tysiač najmieńniaŭ praduktaŭ. Žurnalisty atrymali mahčymaść prahulacca pa jašče pustych załach. Što zaŭvažyli?
Vialiki vybar bakalei, jość biełaruskija i impartnyja tavary. U adnym vialikim chaładzilniku — małočka i kaŭbasy. U inšym — sadavina i harodnina ad roznych pastaŭščykoŭ. Pobač — miasny adździeł sa śviežymi vyrazami.
U «Majak Maxi» možna budzie kupić i kulinaryju, kandytarku, picu. Jość žyvyja raśliny, kaśmietyka i kaviarni samaabsłuhoŭvańnia. Na śviežaj vypiečcy, paŭfabrykatach i hatovaj ježy zrobleny asablivy akcent.
Praduktovaha rytejłu ŭ HRC Diamond Sity nie było dva miesiacy.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary