Litoŭskaja premjerka prakamientavała biełaruska-polskija adnosiny paśla abmienu viaźniami i akreśliła pierśpiektyvy dla Litvy
Premjer-ministarka Litvy Inha Ruhinienie zajaviła, što Polšča maje peŭnyja palityčnyja kantakty ź Biełaruśsiu. Pavodle jaje słoŭ, heta stała mahčymym paśla abmienaŭ palityčnymi źniavolenymi pamiž Varšavaj i Minskam, u vyniku jakich častka źniavolenych była vyzvalenaja, piša Delfi.lt.
Pry hetym jana skazała, što nie vałodaje infarmacyjaj pra inšyja formy supracoŭnictva pamiž Polščaj i Biełaruśsiu pa-za abmienam źniavolenymi, ale płanuje abmierkavać situacyju na sustrečy z polskim premjeram Donaldam Tuskam u červieni.
«Nakolki mnie viadoma, Polšča maje peŭnyja kantakty ź Biełaruśsiu […] My abmieńvajemsia palityčnymi źniavolenymi, i niadaŭna była vyzvalena značnaja kolkaść palityčnych źniavolenych, tak što sam praces idzie hładka i stabilna. Heta hałoŭnaje. Na hety momant mnie sapraŭdy ničoha nie viadoma pra niekatoryja inšyja dziejańni, ale ja spadziajusia sustrecca z premjer-ministram u červieni i, vidavočna, budzie mahčymaść abmierkavać heta bolš padrabiazna», — skazała Ruhinienie žurnalistam 29 krasavika.
U toj ža čas Ruhinienie padkreśliła, što Litva moža razhladać mahčymaść bolš vysokaha ŭzroŭniu kantaktaŭ ź Minskam tolki pry ŭmovie, što Biełaruś vykanaje peŭnyja patrabavańni. Siarod ich, jak užo akreślivałasia raniej — spynieńnie zapusku kantrabandnych pavietranych šaroŭ praź miažu, viartańnie zatrymanych hruzavikoŭ biez štrafaŭ i spynieńnie niezakonnaj mihracyi praź miažu.
«U nas svoj paradak dnia, my sapraŭdy dziejničajem u adpaviednaści z našymi paznačanymi metami. My ŭžo publična zajaŭlali, što nie bačym prablem u arhanizacyi takoj sustrečy, kali buduć vykananyja peŭnyja ŭmovy», — skazała Ruhinienie adnosna mahčymaści naviazvańnia z režymam Łukašenki palityčnych kantaktaŭ.
Bialacki sustreŭsia z premjer-ministram Litvy i inšymi čynoŭnikami. Siarod tem — mahčymaść zdavać ekzamieny na vadzicielskija pravy pa-biełarusku
«Chočam bačyć dobruju volu i ź inšaha boku». Premjerka Litvy skazała, kali palepšacca adnosiny ź Biełaruśsiu
MZS Biełarusi «pakul nie bačyć hatoŭnaści litoŭskaha boku da surjoznaj razmovy»
Ruhinienie: Dla pieramoŭ ź Biełaruśsiu ŭžo navat pryznačany čałaviek
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary
što heta ja zaraz takoje pračytała? uhledźciesia i vy, spadarstva, u hetyja jejnyja słovy bolš uvažliva