Centralnaje kamandavańnie ZŠA prosić dazvoł na vykarystańnie hipierhukavych rakiet u vajnie ź Iranam
Rašeńnie pakul nie pryniata.

Centralnaje kamandavańnie armii ZŠA nakiravała ŭ Pientahon zapyt na raźmiaščeńnie hipierhukavych rakiet Dark Eagle na Blizkim Uschodzie, paviedamlaje Bloomberg sa spasyłkaj na krynicy.
Nieabchodnaść vykarystańnia sistem, jakija jašče nie pryniatyja na ŭzbrajeńnie, u zapycie tłumačycca tym, što Iran pieramiaściŭ puskavyja ŭstanoŭki balistyčnych rakiet uhłyb svajoj terytoryi, zrabiŭšy ich niedasiažnymi dla amierykanskich rakiet, piša Bloomberg.
U vypadku adabreńnia zapytu heta stanie pieršym dośviedam razhortvańnia hipierhukavych rakiet ZŠA, adnak rašeńnie pakul nie pryniata, adznačaje ahienctva.
Pavodle infarmacyi Bloomberg, dalokaść Dark Eagle składaje kala 3,5 tysiačy kiłamietraŭ, i pakul vyrablena nie bolš za vosiem takich rakiet. Košt kožnaj — kala 15 miljonaŭ dalaraŭ.
Zaraz u kanflikcie pamiž Iranam i ZŠA dziejničaje pieramirje, abvieščanaje prezidentam ZŠA Donaldam Trampam. Jon nieadnarazova zajaŭlaŭ, što kaniec vajny blizki, ale pieramovy z Tehieranam zajšli ŭ tupik. Jak ličyć Bloomberg, zapyt CENTCOM moža śviedčyć pra hatoŭnaść vajskoŭcaŭ praciahvać vajnu, kali Tramp prymie takoje rašeńnie.
Kamientary