Avijakampanija «Biełavija» razhladaje mahčymaść nabyć niekalki novych samalotaŭ da nastupnaha letniaha siezona. Jak paviedamiŭ telekanału «Pieršy infarmacyjny» ministr transpartu i kamunikacyj Alaksiej Lachnovič, paśla taho, jak z kampanii byli źniatyja sankcyi ZŠA, hetaje pytańnie ciapier aktyŭna prapracoŭvajecca.
Pa słovach čynoŭnika, pieravozčyku pastavili zadaču zakupić ad troch da piaci samalotaŭ, kab zadavolić rost popytu na paloty ŭ kurortnyja napramki.
Akramia taho, «Biełavija» płanuje adkryć kala 20 novych maršrutaŭ, u tym liku razhladajucca roznyja kirunki ŭ Kitaj.
Raniej, jašče da źmiakčeńnia sankcyj, avijakampanija ŭžo nabyła ŭ Hambii try šyrokafiuzielažnyja Airbus A330, dva ź jakich užo lotajuć, a treci pavinny ŭvieści ŭ ekspłuatacyju da lutaha 2026 hoda.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary