Va ŭniviersitecie ŭ kitajskim Sijani vyvučajuć biełaruskuju movu i kulturu
U Sijańskim univiersitecie zamiežnych moŭ pracuje Centr vyvučeńnia Biełarusi, jaki adnačasova sa śpiecyjalnaściu «biełaruskaja mova» źjaviŭsia ŭ 2018 hodzie. Centr staŭ miescam, dzie kitajskija studenty znajomiacca ź biełaruskaj kulturaj, movaj i tradycyjami, piša BiełTA.
Pieršaja hrupa, jakaja navučałasia pa śpiecyjalnaści «biełaruskaja mova», naličvała 19 čałaviek, a paźniej nabory pavialičylisia, choć u hady pandemii ŭ pracy centra i ŭźnikli ciažkaści.
Spačatku centru nie chapała navučalnych materyjałaŭ i miascovych śpiecyjalistaŭ, tamu ŭniviersitet pačaŭ supracoŭničać ź biełaruskimi VNU i pasolstvam Biełarusi. Ciapier navučańnie zabiaśpiečvaje kamanda z zamiežnych vykładčykaŭ-biełarusistaŭ i kitajskich śpiecyjalistaŭ pa słavistycy. Univiersitet taksama zaprašaje ekśpiertaŭ z Kitaja i Biełarusi dla lekcyj.
«U vyniku byŭ sfarmiravany stabilny prafiesijny vykładčycki skład z troch zamiežnych vykładčykaŭ biełaruskaj movy i dvuch vykładčykaŭ z našaha Instytuta ruskaj movy. Adzin z vypusknikoŭ u 2022 hodzie zastaŭsia vykładać u našym instytucie. U 2025 hodzie my pryniali adnaho vypusknika ź Ciańczińskaha ŭniviersiteta zamiežnych moŭ jak vykładčyka i zaprasili adnaho zamiežnaha vykładčyka ź Biełarusi», — paviedamiła dyrektarka Centra vyvučeńnia Biełarusi, dyrektarka Instytuta ruskaj movy ŭniviersiteta Veń Jujsia.
Studenty i vykładčyki stvaryli elektronny kurs pa biełaruskaj kultury, vydali vučebnyja materyjały, raspracavali šmatuzroŭnievuju sistemu kantrolu jakaści navučańnia. Vypuskniki ŭžo pracujuć u MZS Kitaja, vykładajuć u VNU, atrymlivajuć dziaržaŭnyja stypiendyi i pieramahajuć u konkursach pa biełaruskaj movie.
Padrychtoŭka kadraŭ pa biełaruskaj movie, jak padkreślivajecca, adpaviadaje zadačam inicyjatyvy «Adzin pojas, adzin šlach» i raźvićciu biełaruska-kitajskaha stratehičnaha partniorstva. Studentaŭ vučać movie, litaratury, pierakładu i znajomiać z kulturaj Biełarusi. Navučańnie doŭžycca čatyry hady i zaviaršajecca stupieńniu bakałaŭra.
Centr viadzie daśledavańni, pierakładaje biełaruskija knihi, arhanizuje vystavy, sieminary i mižnarodnyja sustrečy. U 2025 hodzie ŭ Sijani prajšła prezientacyja knihi «Losy žančyn — los adzinaj Biełarusi», vydadzienaj taksama pa-kitajsku.
Kitajec usiaho hod vučyŭ biełaruskuju movu i ŭžo vystupiŭ na Mižnarodnym kanhresie biełarusistaŭ. Pasłuchajcie, jak jon havoryć
Litoŭski ministr raskazaŭ, jak vučyŭsia čytać pa-biełarusku z časopisa «Vožyk»
«Niekatorych maich siabroŭ biełaruščynaj pierakarmili». Jak naradzicca i ŭsio žyćcio pražyć u Sibiry, a ličyć siabie biełaruskaj?
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
A kolki minskich VNU pracuje pa-biełarusku? Chiba jakija humanitarnyja ci mastackija śpiecyjalnaści?