«Kašmar na vulicy Viazaŭ» iznoŭ u vašych snach
Na ekranie — niedarezanaje kino.
«Kašmar na vulicy Viazaŭ» (A Nightmare on Elm Street)
ZŠA, 2010, kalarovy, 95 chv.
Režysior: Semiueł Bejier
Roli vykonvajuć: Džeki Erł Hiejli, Kajł Hełner, Runi Mara, Keci Kesidzi, Tomas Dekier, Kiełan Łuc
Žanr: Film žachaŭ
Adznaka: 4 (z 10)
Hrupa padletnaŭ śnić adnolkavy kašmar. Unačy da ich prychodzić abpalenaja pačvara z žaleznymi kipciurami — Fredzi Kruhier. Hierojam varta paśpiašacca, kab spynić istotu: pamirajučy ŭ śnie, jany pamirajuć na javie.
Karcina Semiuela Bejiera — paŭtor słynnaj stužki 1984 hodu Uesa Krejvena.Fredzi Kruhier stała prapisaŭsia ŭ masavaj kultury. Harny chłopiec sa stalovym manikiuram patrašyŭ udziačnych padletkaŭ u siami praciahach dyj u telesieryjach.
Praz 26 hadoŭ historyju vyrašyli adnavić. «Jon pałochaŭ vašych baćkoŭ, ciapier jon pryjdzie za vami,» — abviaščaje rekłama.
Niaźmiennaha Robierta Enhłunda, jaki byŭ Fredzi, źmianiŭ Džeki Erł Hiejli, jaki zdolny hrać pačvaru j biez usialakaha hrymu. Cikava, što ŭ pieršych Viazach Hiejli prahnuŭ syhrać padletka, ale jahonaja rola dastałasia Džoni Depu. Hiejli — adziny słušny aktorski padbor u filmie.
Astatnija aktory — zanadta darosłyja dla padletkaŭ.Vialikaja niaŭdača — i padbor muzyki. Karcina pałochaje viałaj płastykavaj nudoj z rezkimi hukami. Naprykancy papaŭtornaja stužka reabilitujecca, ale nie nastolki, kab uvajści ŭ załatuju skarbonku kinakašmaraŭ.
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu27
Kamientary