8 studzienia raptoŭna pamior zahadčyk kafiedry parazitałohii i invazijnych chvarob žyvioł Viciebskaj dziaržaŭnaj akademii vieterynarnaj miedycyny Anton Jatusievič. Jamu było 79 hadoŭ, ź jakich amal 19 jon byŭ rektaram hetaj navučalnaj ustanovy.
Anton Jatusievič naradziŭsia 2 studzienia 1947 hoda ŭ vioscy Asabovičy Pinskaha rajona.
Z 1973 hoda pracavaŭ asistentam kafiedry parazitałohii ŭ Viciebskim vieterynarnym instytucie, potym dacentam i prarektaram pa vučebnaj rabocie. Z 1990 hoda — zahadčyk kafiedry parazitałohii i invazijnych chvarob žyvioł. U 1990 hodzie abaraniŭ doktarskuju dysiertacyju, u 1991‑m jamu było prysvojena navukovaje zvańnie prafiesara.
Sa studzienia 1998 hoda da śniežnia 2016‑ha Anton Jatusievič źjaŭlaŭsia rektaram Viciebskaj dziaržaŭnaj akademija vieterynarnaj miedycyny.
Jaho navukovyja intaresy byli źviazanyja z vyvučeńniem parazitarnych chvarob žyvioł i raspracoŭkaj srodkaŭ baraćby ź imi. Jon źjaŭlajecca aŭtaram i suaŭtaram bolš za 1000 navukovych rabot, 45 aŭtarskich paśviedčańniaŭ i patentaŭ, 65 padručnikaŭ, daviednikaŭ i manahrafij. Pad jaho kiraŭnictvam padrychtavana kala 30 kandydackich i doktarskich dysiertacyj.
Jatusievič byŭ uznaharodžany šmatlikimi ordenami, miedalami i hanarovymi znakami. Jon byŭ zasłužanym dziejačam navuki Respubliki Biełaruś, hanarovym prafiesaram čatyroch zamiežnych univiersitetaŭ i hanarovym hramadzianinam Pinskaha rajona, zamiežnym členam Rasijskaj akademii navuk.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary
[Zredahavana]