U Hruzii zatrymali dvuch biełarusaŭ z narkotykami na miljon dalaraŭ
Dvoje biełarusaŭ byli zatrymanyja ŭ Batumi ŭ miežach rasśledavańnia spravy ab niezakonnym abarocie narkotykaŭ. U padazravanych kanfiskavali amal 6 kiłahramaŭ mietadonu, košt jakoha na čornym rynku aceńvajecca da 3 miljonaŭ łary (bolš za miljon dalaraŭ).
Apieracyju praviali supracoŭniki Centralnaha ŭpraŭleńnia kryminalnaj palicyi Adžaryi.
Zatrymanyja — hramadzianie 1992 i 1993 hadoŭ naradžeńnia (u navinie pryvodziacca ich inicyjały: A.P. i H. R.) — padazrajucca ŭ niezakonnym nabyćci, zachoŭvańni ŭ asabliva bujnym pamiery i sadziejničańni zbytu narkatyčnych srodkaŭ, paviedamlaje Newsgeorgia.ge.
Padčas vobšukaŭ asabistych rečaŭ, ich aŭtamabila i časovych miescaŭ pražyvańnia pravaachoŭniki znajšli mietadon, padrychtavany da prodažu, a taksama materyjały dla fasoŭki narkotykaŭ.
Biełarusam moža pahražać da 20 hadoŭ turmy abo navat pažyćciovaje.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny14
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii22
Kamientary