U Drybinskim rajonie vynieśli pakarańnie za čyrvona-zialony ściah
U sudzie Drybinskaha rajona vynieśli prysud pa spravie ab chulihanstvie i źniavazie dziaržaŭnaha ściaha, fihurantami jakoj stali 17‑hadovy chłopiec i 20‑hadovaja dziaŭčyna, paviedamiła Hienieralnaja prakuratura.
Pavodle materyjałaŭ śledstva, incydent adbyŭsia vosieńniu 2025 hoda ŭ adnoj ź viosak rajona. Mienavita dziaŭčyna, jak śćviardžaje abvinavačańnie, padbiła svajho niepaŭnaletniaha znajomaha na niebiaśpiečny ŭčynak.
Padletak sarvaŭ dziaržaŭny ściah z fasada adździaleńnia banka, paškodziŭšy pry hetym jak macavańnie, tak i samo pałatno. Pa darozie dadomu jon taksama zamalavaŭ čornaj farbaj dva darožnyja znaki «Piešachodny pierachod». Uvieś hety čas dziaŭčyna znachodziłasia pobač, a sarvany ściah paźniej zachoŭvaŭsia ŭ jaje doma.
U sudzie chłopiec całkam pryznaŭ svaju vinu i dobraachvotna kampiensavaŭ škodu. Jamu pryznačyli adzin hod pazbaŭleńnia voli ŭmoŭna: kali na praciahu hetaha hoda jon nie ździejśnić novaha złačynstva, pakarańnie vykonvacca nie budzie.
Dziaŭčyna ž viny nie pryznała i śćviardžała, što padletak dziejničaŭ samastojna. Adnak sud paličyŭ dokazy jaje padbuchtorvańnia dastatkovymi. Uličyli i toje, što jana ŭžo mieła sudzimaść, a na momant ździajśnieńnia złačynstva, pavodle ekśpiertyzy, znachodziłasia «ŭ stanie źnižanaj adkaznaści».
U vyniku joj pryznačyli 3,5 hoda abmiežavańnia voli biez nakiravańnia ŭ papraŭčuju ŭstanovu («chatniaja chimija»), a taksama prymusovyja miery biaśpieki i lačeńnia.
Aŭtarytarny režym, bulba, čyrvona-zialony ściah i Aleksijevič. Jak maładyja ludzi z roznych krain bačać Biełaruś i biełarusaŭ
Maładym biełaruskim ciažkaatletam dazvolili vystupać pad čyrvona-zialonym ściaham
«Babulina krynka» zrabiła čyrvona-zialony tvarožny syrok vahoj amal 10 pudoŭ FOTAFAKT
U Słucku pradajuć pa akcyi karystany čyrvona-zialony chaładzilnik
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary