U Hrodnie pradajuć dom, dzie jość sapraŭdny bar z notkaj biełaruskaści
«Pabudavany z hustam, natchniony francuzskim Pravansam», — apisvaje dom pradaviec.
Dom, jaki ciapier pradajecca, znachodzicca na ŭskrainie Hrodna ŭ mikrarajonie Zaryca-4. Pabudavali jaho ŭ 2017 hodzie. Ahulnaja płošča — 240 kvadrataŭ.
Na pieršym paviersie mieściacca try spalni, dva sanvuzły i vialikaja kuchnia-haścioŭnia z abiedziennaj zonaj i francuzskim čyhunnym kaminam.
Dva z troch spalnych pakojaŭ — dziciačyja. U adnym ź ich łožak vykanany ŭ vyhladzie łodki.
Ale hałoŭnaja razynka hetaha doma znachodzicca na druhim uzroŭni. Sam pradaviec druhi pavierch svajho doma nazyvaje chill-out zonaj dla rełaksu, adpačynku i samoty.
Tam staić chatni kinateatr z kaljannaj i sapraŭdny bar ź vialikim vybaram ałkaholnych napojaŭ i barnaj stojkaj daŭžynioj čatyry mietry. Za šyrmaj u adnym z kutoŭ — kabinietnaja zona.
Nad barnaj stojkaj dźvie nieonavyja vyvieski z nadpisami «Mood» (nastroj) i «Kachańnie».
Vyhladaje, što ŭłaśnik doma sapraŭdy viedaje tołk u adpačynku, bo aproč druhoha paviercha isnujuć i inšyja zony dla rełaksu. Na ŭčastku jość łaźnia z pryłaźnikam, abstalavanym pad kuchniu.
Pobač z łaźniej staić altanka z zašklonymi voknami.
Za dom, jaki jaŭna zadumany dla žyćcia ŭ kajf, prosiać 260 tysiač dalaraŭ.
Kamientary