Prezident MAK raspłakałasia paśla dyskvalifikacyi skieletanista Hieraskieviča
«Nichto — i ŭžo dakładna nie ja — nie vystupaje suprać hetaha pasłańnia».
Ukrainski skieletanist Uładzisłaŭ Hieraskievič byŭ adchileny ad udziełu ŭ Alimpijadzie z-za svajho šlema, na jakim byli 20 fatahrafij ukrainskich spartsmienaŭ, što zahinuli na vajnie.
Dla MAK heta stała parušeńniem praviła 50 Alimpijskaj chartyi: jano zabaraniaje palityčnyja, relihijnyja abo asabistyja demanstracyi ŭ zonie praviadzieńnia spabornictvaŭ.
Nastupstvam dla skieletanista staŭ niadopusk da startu na Alimpijadzie. Hetaje rašeńnie, vidać, ciažka dałosia i prezidentcy MAK Kirści Kovientry. Byłaja alimpijskaja čempijonka asabista sustrełasia sa spartsmienam u apošniaj sprobie vyrašyć situacyju, jakaja zajšła ŭ tupik, piša BILD.
«Naohuł nie płanavałasia, što ja budu tut. Ale ja paličyła vielmi važnym asabista pahavaryć ź im, — skazała jana i padkreśliła: Nichto — i ŭžo dakładna nie ja — nie suprać hetaha pasłańnia. Heta mocnaje pasłańnie, pasłańnie pamiaci i paminańnia».
Prablemaj była nie sama zajava, a miesca jaje vykazvańnia: «Składanaść zaklučałasia ŭ tym, kab znajści rašeńnie dla zony spabornictvaŭ. Na žal, nam nie ŭdałosia znajści hetaje rašeńnie», — patłumačyła Kovientry z dryžykami ŭ hołasie.
Jana vielmi chacieła, kab Hieraskievič usio ž vyjšaŭ na start: «Ja sapraŭdy chacieła ŭbačyć jaho na starcie. Heta była emacyjnaja ranica».
Kamientary