Sport2222

Ukrainskaha skieletanista Hieraskieviča dyskvalifikavali na Alimpijadzie za šlem z fotazdymkami zahinułych na vajnie spartoŭcaŭ

Uładzisłaŭ Hieraskievič admoviŭsia ad kampramisu, prapanavanaha Mižnarodnym alimpijskim kamitetam.

Fota: Andrew Milligan / PA Images via Getty Images

Uładzisłaŭ źbiraŭsia vystupać na Alimpijadzie ŭ šlemie, na jakim byli fotazdymki zahinułych na vajnie z Rasijaj ukrainskich spartoŭcaŭ.

Raniej MAK zabaraniŭ jamu ŭ hetym šlemie i vystupać, i treniravacca. Hieraskieviču prapanavali zamianić šlem na čornuju stužku. A ŭ šlemie, maŭlaŭ, možna budzie vyjści da presy paśla spabornictvaŭ. Jon admoviŭsia.

Na šlemie źmieščanyja vyjavy niekatorych spartsmienaŭ, jakija zahinuli za apošnija čatyry hady padčas uvarvańnia Rasii.

«Niekatoryja ź ich byli členami alimpijskaha ruchu, alimpijskaj siamji; niechta — prosta dziećmi, jakija trapili pad rasijskija abstreły. Heta byli ludzi, jakija ŭsio žyćcio byli ciesna źviazanyja sa sportam, zaŭzieli za nas, byli našymi siabrami», — skazaŭ ukrainski skieletanist.

«Niekatoryja ź ich byli maimi siabrami», — kazaŭ Hieraskievič.

Voś poŭny śpis spartoŭcaŭ:

  • Dźmitryj Šarpar — fihuryst, srebrany pryzior čempijanatu Ukrainy, udzielnik Junackich Alimpijskich hulniaŭ-2016; zahinuŭ u bajach pad Bachmutam u studzieni 2023 hoda.

  • Pavieł Iščanka — čatyrochrazovy čempijon Ukrainy pa mnahaborji, čempijon śvietu i Jeŭropy pa paŭerliftynhu; zahinuŭ padčas vykanańnia bajavoha zadańnia ŭ 2025 hodzie.

  • Maksim Haliničaŭ — baksior, pryzior Junackich Alimpijskich hulniaŭ, čempijon Jeŭropy siarod junakoŭ; zahinuŭ u sakaviku 2023 hoda na Łuhanščynie.

  • Jaŭhien Małyšaŭ — 19‑hadovy bijatłanist, udzielnik Junackich Alimpijskich hulniaŭ-2020; zahinuŭ u bajach za Charkaŭ u sakaviku 2022 hoda.

  • Andrej Kucenka — šmatrazovy čempijon Ukrainy pa viełasporcie, dobraachvotnik USU; zahinuŭ u lipieni 2024 hoda.

  • Alaksiej Łahinaŭ — chakieist, bramnik «Biełaha Barsa»; zahinuŭ u Łuhanskaj vobłaści ŭ 2023 hodzie.

  • Karyna Bachur — čempijonka Ukrainy i Jeŭropy pa kikboksinhu; zahinuła padčas rasijskaha abstrełu Charkaŭščyny ŭ 2025 hodzie.

  • Mikita Kazubienka — majstar sportu Ukrainy pa skačkach u vadu, trenier; zahinuŭ u 2025 hodzie padčas słužby ŭ Nachvardyi.

  • Raman Pališčuk — lohkaatlet (skački ŭ vyšyniu), vajskoviec USU; zahinuŭ u sakaviku 2023 hoda.

  • Andrej Jaremienka — barec hreka-rymskaha stylu, šmatrazovy pryzior čempijanataŭ Ukrainy; zahinuŭ u śniežni 2025 hoda.

  • Taras Špuk — trenier vieteranskaj zbornaj «Hulni niepakoranych»; zahinuŭ na froncie ŭ vieraśni 2025 hoda.

  • Fiodar Jepifanaŭ — fiechtavalščyk, majstar sportu Ukrainy, udzielnik čempijanatu śvietu siarod kadetaŭ; zahinuŭ na froncie ŭ 2023 hodzie.

  • Kaciaryna Trajan — lohkaatletka, vajskovaja 82‑j ADŠBr; zahinuła ŭ červieni 2025 hoda.

  • Uładzimir Andraščuk — lohkaatlet, udzielnik čempijanataŭ Jeŭropy siarod junakoŭ i moładzi; zahinuŭ u bajach pad Bachmutam u 2023 hodzie.

  • Alaksiej Chabaraŭ — majstar sportu mižnarodnaha kłasa pa stralbie, trenier; zahinuŭ u 2025 hodzie na Danieččynie.

  • Darja Kurdziel — 20‑hadovaja tancoŭščyca, pryziorka mižnarodnych turniraŭ; zahinuła ŭ vyniku abstrełu Kryvoha Roha ŭ 2022 hodzie.

  • Ivan Kananienka — ciažkaatlet, akcior, aficer USU; zahinuŭ u 2025 hodzie.

  • Alina Pierahudava — 14‑hadovaja ciažkaatletka, kandydatka ŭ zbornuju Ukrainy; zahinuła padčas abstrełu Maryupala.

  • Karyna Dziačenka — 11‑hadovaja himnastka; zahinuła razam ź siamjoj u Maryupali ŭ 2022 hodzie.

  • Viktoryja Ivaška — 9‑hadovaja dziudaistka; zahinuła padčas abstrełu Kijeva ŭ 2023 hodzie.

  • Maryja Lebiedź — 15‑hadovaja tancoŭščyca; zahinuła padčas rakietnaha ŭdaru pa Dniapry ŭ 2023 hodzie.

  • Nazar Zuj — juny baksior i futbalist; zahinuŭ razam z baćkami ŭ Maryupali ŭ 2022 hodzie.

Uładzisłaŭ Hieraskievič nios ukrainski ściah na adkryćci Alimpijady ŭ Miłanie.

Historyju prakamientavaŭ u pačatku tydnia Uładzimir Zialenski. Jon padziakavaŭ ukrainskamu spartsmienu za toje, što toj «nahadvaje śvietu canu našaj baraćby».

«Hetaja praŭda nie moža być niazručnaj, niedarečnaj ci nazyvacca «palityčnaj akcyjaj na spabornictvach». Heta napamin usiamu śvietu pra toje, što takoje sučasnaja Rasija», — adznačyŭ Zialenski.

Kamientary22

  • diełom a nie słovom
    12.02.2026
    [Red. vydalena]
  • Supovoj pakietik
    12.02.2026
    Vspominajetsia chriestomatijnoje: "Ty libo kriestik śnimi, libo štany nadień". MOKu śledovało by byť boleje pośledovatielnym. To on otstraniajet sportsmienov iz stran-ahriessorov (i pravilno diełajet!) - to ustraivajet vot takije vot ścieny biez fontana... i vyzyvajet tiem samym fontan emocij. Vied́ vriad li najdietsia choť odin čiestnyj čiełoviek, kotoryj nie poddieržit otvažnoho ukrainca, dierznuvšieho napomniť miru o svoich pohibšich druźjach...
  • Viecier
    12.02.2026
    Vystupať nielzia, pozirovať pieried žurnalistami možno, eto kak, hdie łohika?

Ciapier čytajuć

Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie38

Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie

Usie naviny →
Usie naviny

ZŠA nakirujuć u Armieniju bolš za 13 miljardaŭ dalaraŭ inviestycyj. Heta amal pałova jaje hadavoha VUP6

Biełaruski mastak stvaryŭ z maniet partret futbolnaj zorki

Va Ukrainie pakazali, jak zapuskajuć rakiety «Fłaminha» VIDEA1

U Šviejcaryi praviaduć refierendum adnosna abmiežavańnia kolkaści nasielnictva4

Čamu daktary nie mohuć damovicca nakont chvaroby Alchiejmiera1

Paškodžańnie kantaktnaj sietki paralizavała ruch tralejbusaŭ u Minsku

U Biełaruś pryjšoŭ novy servis taksi z Kazachstana3

Praź dziejańni pasažyra źbiŭsia ruch niekatorych ciahnikoŭ Biełaruskaj čyhunki

Pad Minskam na miescy byłoha savieckaha pijanierłahiera źjavicca spa-hatel1

bolš čytanych navin
bolš łajkanych navin

Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie38

Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie

Hałoŭnaje
Usie naviny →

Zaŭvaha:

 

 

 

 

Zakryć Paviedamić