Cichanoŭskaja napisała list premjeru Litvy, ale adkazu nie atrymała
«My šukali kampramis», — kaža Dzianis Kučynski.
U kancy minułaha hoda, kali stała jasna, što palicyja zabiraje achovu Śviatłany Cichanoŭskaj u Litvie ŭ Słužby biaśpieki kiraŭnictva, Cichanoŭskaja napisała list premjer-ministru Inzie Ruhinienie ŭ pošukach kampramisu, ale adkazu nie atrymała, kaža Dzianis Kučynski, siońniašni kiraŭnik ofisa Śviatłany Cichanoŭskaj u Vilni, piša Delfi.lt.
«My ŭdziačnyja za toje, što achoŭvaje kryminalnaja palicyja, sočyć, kab my mahli pracavać u Vilni, ale my da kanca minułaha hoda šukali kampramis, jak by my mahli pahladzieć, kali całkam zastajemsia ŭ Vilni. My šukali hety kampramis, Cichanoŭskaja napisała list premjer-ministru, ale adkazu nie atrymała», — skazaŭ D. Kučynski.
«My sprabavali sustrecca, ale niejak tak… ź inšaha boku, z boku Ministerstva zamiežnych spraŭ, Ofisa prezidenta ŭ nas było šmat sustreč, my šmat kazali, hladzieli, što i jak možna zrabić. Z hetaha boku možna skazać, što MZS zrabiŭ usio, što moh-u nas jość status, dypłamatyčnaja padtrymka (…). Z boku ofisa prezidenta taksama», — padkreśliŭ jon.
Ź lutaha Śviatłana Cichanoŭskaja z častkaj ofisa pierabrałasia ŭ Varšavu, u Vilni kiraŭnikom misii staŭ Dzianis Kučynski.
23 studzienia Inha Ruhinienie dosyć krytyčna vykazałasia pra adjezd Śviatłany Cichanoŭskaj.
«Heta jaje asabistaja sprava — vyrašać, što jana vybiare», — skazała kiraŭnik urada ŭ intervju Delfi.
«Ja nie baču ni dadatkovaj vyhady, ni straty. Našy kantakty ź biełaruskaj apazicyjaj vielmi mocnyja, i nie tolki sa Śviatłanaj. Apazicyja — heta nie tolki Śviatłana, heta značna bolš ludziej. Ja rada, što byli vyzvaleny apošnija lidary, jakija taksama ŭdzielničali ŭ prezidenckich vybarach. Mnie zdajecca, heta vielmi važna», — padkreśliła tady Inha Ruhinienie.
-
Pachavać zakonna svajho chatniaha lubimca ŭ Biełarusi možna tolki ŭ žyviolny mohilnik. Parušeńnie zakonu vyhladaje bolš maralna prymalnym dla mnohich
-
Kaleśnikava: Vajna, jakuju pačała Rasija, nie prosta suprać Ukrainy. Heta vajna suprać jeŭrapiejskich kaštoŭnaściaŭ
-
Što ciapier ź italjanskimi vizami? Masavyja admovy? Turfirmy nazyvajuć alternatyvu
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary