U Homieli nie raskupili kvitkoŭ na prapahandyscki film Azaronka
Film «Duša abaroncy» samaha taksičnaha prapahandysta biełaruskaha režymu Ryhora Azaronka šyroka rekłamavali na dziaržaŭnych resursach i 12 lutaha prezientavali ŭ Homieli. Na premjery čakana sabrali vajskoŭcaŭ, školnikaŭ i praŭładnych aktyvistaŭ, siarod jakich byŭ homielski vajenkam Andrej Kryvanosaŭ. A voś u najbližejšyja dni, kali nie buduć arhanizavany prymusovyja naviedvańni, zały kinateatraŭ padčas pakazu filma Azaronka buduć pustavać, piša «Fłahštok».
Jak vyśvietliŭ «Fłahštok», na 13 lutaha miescy zaniatyja tolki ŭ kinateatry «Kastryčnik». U centralnym kinateatry imia Kalinina nie kupleny amal nivodzin kvitok, pry tym, što pakaz prachodzić u małoj zale. Ceny na sieans — usiaho ad 3 da 6 rubloŭ.
Na 14 lutaha, jak i na nastupnyja dni, praktyčna ŭsie miescy volnyja ŭ abodvuch kinateatrach.
U pres-relizie pra stužku, jakuju vypuściŭ «Biełaruśfilm», havorycca pra toje, što «kamunikujučy z vajskoŭcami roznych zvańniaŭ, mirnymi žycharami i ŭsimi, chto padtrymlivaje vojska, aŭtar šukaje adkazy na pytańni ab matyvacyi i pačućciach našych abaroncaŭ, natchniajučy hledačoŭ šanavać mirnaje žyćcio i prajaŭlać udziačnaść za jaho zachavańnie».
Raniej raskazvali pra zdymki hetaha filma na terytoryi Homielščyny, u tym i liku na biełaruska-ŭkrainskaj miažy.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
Kamientary
Za prahlad toj hryškinaj čuchni jašče i płacić treba?