«Ciapier adumaŭsia Makron». Łukašenka skazaŭ, što pieradavaŭ francuzam miesiedž ad Pucina

«Vy vaźmicie ciapier hetuju Jeŭropu. Jaje rvuć na častki, raźbić, prybrać, kab ni jeŭra nie było, ni ekanomiki, ničoha nie było. Kamu heta pieršamu škoda? Amierykancam. I heta ž nie pieršy hod, heta ž pastajanna. I nie Tramp inicyjatar byŭ, što ŭ zachapleńni, što raźvivajecca taki ekanamičny ačah mahutny, technałahična raźvitaja terytoryja, kankurent salidny dla ŭsich. Adzina, z kim jany mahli mieć znosiny, siabravać i razmaŭlać — taksama mnoju skazana hod ci paŭhoda tamu nazad — Rasija. Tut — resursy, u vas — najvyšejšyja technałohii. Davajcie razam supracoŭničać. Voś heta Jeŭrazijski rehijon. I heta była b samaja mahutnaja arhanizacyja. Čaho jany chacieli?», — skazaŭ jon.

«Ciapier adumaŭsia Makron ci jašče chtości na zachodzie svajoj karjery: budziem ustaloŭvać z Rasijaj kantakty, budziem razmaŭlać. Tak ad hetaha nichto nie admaŭlaŭsia. Ja byŭ u epicentry hetaha. Niekatoryja pytańni naŭprost praź mianie vyrašalisia. Francuzy siudy pryjazdžali. Ja pieradavaŭ im miesiedž nie tolki ad siabie, ale i ad Pucina, što nu, davajcie. Nie treba».

Taksama Łukašenka čarhovy raz uchvalna vykazaŭsia pra Trampa, jaki sprabuje dasiahnuć miru va Ukrainie.

«A im nie treba heta. Heta voś, voś u čym pryčyna i ABSIE. Dyk voś, kali Rada miru pieršym svaim krokam zrobić krok da aktyvizacyi svajoj dziejnaści, usie adtul syduć, piarojduć siudy, kali budzie vynik. Vyniku hetaha niama. Niama ABSIE, dy i arhanizacyi Abjadnanych Nacyj faktyčna. I my čaho to chočam zachavać. Nu tak, pastajannych členaŭ Savieta Biaśpieki, moža, hetaja situacyja ŭ AAN i zadavalniaje. Ale ž inšyja krainy? Kolki tam, piać členaŭ Rady biaśpieki? Nu chočuć kostku kinuć — tam siem-vosiem zrabić. Ale heta ničoha nie źmienić. Pry tych rašeńniach, jakija prymajucca kansensusam, dzie jość prava vieta. A zrabić tak, kab nie było prava vieta, ni ŭ jakim razie nielha. Ni ŭ jakim razie nielha pry toj situacyi, jakaja siońnia składvajecca. Tak što maja pazicyja takaja, što Arhanizacyja Abjadnanych Nacyj heta nikčemnaja arhanizacyja, nijakich pytańniaŭ nie vyrašaje i nie vyrašyć. Nu, inšaj niama. A voś z ABSIE možna było b pačać tym bolš svoječasova: u Jeŭropie turbulentnaść takaja, što treba ŭcichamiryć hety rehijon i zajmacca treba. Heta moj punkt hledžańnia. I na rejki miru, i voś pracu ŭ Jeŭropie, dzie my žyviem — Biełaruś u centry Jeŭropy hieahrafična — nas heta chvaluje, tamu my pahadzilisia być u Radzie miru», — skazaŭ jon.

• 0
• 1
• 1
• 5
• 1
• 0
• 0
• 0