«Цяпер адумаўся Макрон». Лукашэнка сказаў, што перадаваў французам меседж ад Пуціна
На сустрэчы сёння з Сяргеем Глазьевым Лукашэнка негатыўна выказаўся ў бок ЕС.
«Вы вазьміце цяпер гэтую Еўропу. Яе рвуць на часткі, разбіць, прыбраць, каб ні еўра не было, ні эканомікі, нічога не было. Каму гэта першаму шкода? Амерыканцам. І гэта ж не першы год, гэта ж пастаянна. І не Трамп ініцыятар быў, што ў захапленні, што развіваецца такі эканамічны ачаг магутны, тэхналагічна развітая тэрыторыя, канкурэнт салідны для ўсіх. Адзіна, з кім яны маглі мець зносіны, сябраваць і размаўляць — таксама мною сказана год ці паўгода таму назад — Расія. Тут — рэсурсы, у вас — найвышэйшыя тэхналогіі. Давайце разам супрацоўнічаць. Вось гэта Еўразійскі рэгіён. І гэта была б самая магутная арганізацыя. Чаго яны хацелі?», — сказаў ён.
«Цяпер адумаўся Макрон ці яшчэ хтосьці на заходзе сваёй кар'еры: будзем усталёўваць з Расіяй кантакты, будзем размаўляць. Так ад гэтага ніхто не адмаўляўся. Я быў у эпіцэнтры гэтага. Некаторыя пытанні наўпрост праз мяне вырашаліся. Французы сюды прыязджалі. Я перадаваў ім меседж не толькі ад сябе, але і ад Пуціна, што ну, давайце. Не трэба».
Таксама Лукашэнка чарговы раз ухвальна выказаўся пра Трампа, які спрабуе дасягнуць міру ва Украіне.
«А ім не трэба гэта. Гэта вось, вось у чым прычына і АБСЕ. Дык вось, калі Рада міру першым сваім крокам зробіць крок да актывізацыі сваёй дзейнасці, усе адтуль сыдуць, пяройдуць сюды, калі будзе вынік. Выніку гэтага няма. Няма АБСЕ, ды і арганізацыі Аб'яднаных Нацый фактычна. І мы чаго то хочам захаваць. Ну так, пастаянных членаў Савета Бяспекі, можа, гэтая сітуацыя ў ААН і задавальняе. Але ж іншыя краіны? Колькі там, пяць членаў Рады бяспекі? Ну хочуць костку кінуць — там сем-восем зрабіць. Але гэта нічога не зменіць. Пры тых рашэннях, якія прымаюцца кансэнсусам, дзе ёсць права вета. А зрабіць так, каб не было права вета, ні ў якім разе нельга. Ні ў якім разе нельга пры той сітуацыі, якая сёння складваецца. Так што мая пазіцыя такая, што Арганізацыя Аб'яднаных Нацый гэта нікчэмная арганізацыя, ніякіх пытанняў не вырашае і не вырашыць. Ну, іншай няма. А вось з АБСЕ можна было б пачаць тым больш своечасова: у Еўропе турбулентнасць такая, што трэба ўціхамірыць гэты рэгіён і займацца трэба. Гэта мой пункт гледжання. І на рэйкі міру, і вось працу ў Еўропе, дзе мы жывем — Беларусь у цэнтры Еўропы геаграфічна — нас гэта хвалюе, таму мы пагадзіліся быць у Радзе міру», — сказаў ён.
«Вырашыце пытанне, каб я змог спакойна прыляцець». Лукашэнка расказаў, чаму не паляцеў у Вашынгтон
Лукашэнка заявіў, што будзе ўдзельнічаць у Радзе міру, але пазней
Лукашэнка заявіў, што прапаноўваў ЗША ідэальны варыянт наконт Венесуэлы, але яны зрабілі глупства
Лукашэнка пачуў страхі расіян згубіць Беларусь і тэрмінова пачаў запэўніваць у вечнай любові
Каментары