«Para spynić heta vajennaje śpiekulanctva». Charvatyja admoviłasia transpartavać ŭ Vienhryju i Słavakiju rasijskuju naftu, ale hatovaja pamahčy ź inšaj
Charvatyja adchiliła zapyt Vienhryi i Słavakii na transpartavańnie rasijskaj nafty, zajaviŭ 16 lutaha ministr ekanomiki Charvatyi Ante Šušniar, piša The Kyiv Independent.
Raniej u hety ž dzień ministr zamiežnych spraŭ Vienhryi Pieter Sijarta paviedamiŭ, što Budapiešt i Bracisłava źviarnulisia da Charvatyi pa dapamohu ŭ zabieśpiačeńni pastavak rasijskaj nafty praz trubapravod «Adryja» z-za pierabojaŭ z tranzitam praz Ukrainu.
Ante Šušniar zajaviŭ, što Zahrab «nie dazvolić», kab paliŭnaje zabieśpiačeńnie Centralnaj Jeŭropy «apynułasia pad pahrozaj», i hatovy dapamahčy ŭ vyrašeńni prablemy zhodna z zakanadaŭstvam ES i praviłami OFAC (Upraŭleńnie pa kantroli za zamiežnymi aktyvami ZŠA).
Pavodle słoŭ ministra, u krain ES bolš nie zastałosia nijakich «techničnych apraŭdańniaŭ» dla zachavańnia zaležnaści ad rasijskaj nafty.
«Baral, nabyty ŭ Rasii, moža zdavacca niekatorym krainam tańniejšym, ale jon dapamahaje finansavać vajnu i ataki na ŭkrainski narod. Para spynić hetaje vajennaje śpiekulavańnie», — zajaviŭ Šušniar.
Raniej Sijarta razam ź ministarkaj ekanomiki Słavakii Denisaj Sakavaj nakiravaŭ list Ante Šušniaru, u jakim adznačyŭ, što vyklučeńnie z sankcyj dla ich krain «daje mahčymaść impartavać rasijskuju naftu moram, kali trubapravodnyja pastaŭki parušanyja».
«Biaśpieka enierhazabieśpiačeńnia krainy nikoli nie pavinna być ideałahičnym pytańniem, — skazaŭ vienhierski ministr. — Tamu my čakajem, što Charvatyja, u adroźnieńnie ad Ukrainy, nie budzie stavić pad pahrozu biaśpieku pastavak nafty ŭ Vienhryju i Słavakiju pa palityčnych pryčynach».
Kamientary
Darečy, Ante Šušniaru mahu padkinuć ideju ab tym, što padčas abłohi Kanstancinopala asmanskim sułtanam Miechmiedam II vienhierski harmatny majstar Orban dobraachvotna źviarnuŭsia da Miechmieda z prapanovaj pabudavać harmatu, što razburyć ścieny Kanstancinopala. Majučy dastatkova srodkaŭ i materyjałaŭ, Orban pabudavaŭ u Edzirnie harmatu za try miesiacy. Vielizarnaja harmata, nazvanaja "Bazilika", jakuju Orban zrabiŭ dla Miechmieda, była cudam techniki i była zdolnaja kidać kamiennyja šary vahoj 270 kh na 1,6 km. Pa słovach proosmanskoho historyka XV stahodździ Krytavuła, "heta harmata vyrašyła ŭsio".
Čas zrabić vysnovy z historyi i dać ad varot pavarot Orbanu i jaho zdradnikam Jeŭropy.