Biełarusy vykłali fota i sumu svaich zakupaŭ u polskaj kramie i ŭzarvali Treds. Dalacieła až da Kazachstana
«Pajšli ŭ subotu pa pradukty. Pytańnie: kolki ŭ vašym horadzie kaštavaŭ by prykładna taki ž nabor praduktaŭ?» — napisali biełarusy i dadali fota.
Uvieś nabor praduktaŭ, nabyty ŭ dźviuch kramach, raźmiaściŭsia na piaci zdymkach. Sam dopis za sutki nabraŭ bolš za 120 tysiač prahladaŭ i bolš za 1000 kamientaroŭ z roznych krain.
Pradukty na zdymkach kaštavali 410 złotych, što kala 115 dalaraŭ ci kala 330 rubloŭ.
U kamientarach niechta adrazu vykazaŭ mierkavańnie, što ŭ Biełarusi taki nabor praduktaŭ kaštavaŭ by ŭ 2 razy bolš. I palacieła.
Ličby ŭ Biełarusi
Praŭda, heta hrubaje paraŭnańnie. Čałaviek, jaki bolš dakładna padličyŭ košt anałahičnych praduktaŭ u Biełarusi, vydaŭ sumu na 460 rubloŭ, to-bok daražej — ale tolki ŭ paŭtara raza.
Inšaja karystalnica padličyła, što ŭ jaje atrymałasia 478 rubloŭ, što blizka da papiarednich ličbaŭ. Jašče adzin mužčyna vykazaŭ mierkavańnie, što taki nabor praduktaŭ u Biełarusi abyšoŭsia b na sumu kala 500 rubloŭ.
«Z ulikam taho, što dobraja čyrvonaja ryba ŭ nas kaštuje 25—30 rubloŭ za kh… Dy i naohuł, liču, niama sensu paraŭnoŭvać. Na minułym tydni z žonkaj kupili standartny nabor ježy: pa 4 štuki pamidoraŭ, jabłykaŭ, ahułam harodnina — addali 100 rubloŭ. A tut… pra što naohuł havorka… Ciapieraka pakazaŭ žoncy vaš nabor. I kali ŭ vas vyjšła takaja ścižma praduktaŭ na 330 rubloŭ — jana afihieła», — dadaje jon. Praŭda, mužčynu chutka papravili, što takaja ryba kaštuje ad 45 da 60 rubloŭ za kiłahram.
Biełaruska, jakaja sabrała anałahičny košyk u «Jedastaŭcy», zapłaciła 606 rubloŭ.
Usia štuka ŭ źnižkach?
Mnohija adznačyli, što šmat jakija pradukty ŭ vypadku z Polščaj byli nabytyja na akcyi.
«Hladžu na fota i adrazu razumieju: zakupka była ŭ «Biadroncy». «Miersi» pa akcyi 1+1, łasoś taksama tańniejšy, na jajki taksama źnižka była na druhuju karobku», — źviartaje ŭvahu karystalnik.
Inšyja adznačajuć, što ŭ zaležnaści ad abranaha naboru praduktaŭ, roźnica ŭ cenach moža iści jak na karyść Biełarusi, tak i na karyść Polščy, tamu ahułam ceny plus-minus adnolkavyja.
«Viadoma, u kožnaj krainie jość svaje vyhadnyja pazicyi. Kali nabrać šmat stronhi, pieraciahnie ŭ adzin bok, jajek i małočki — u inšy.
U Polščy možna tanna kupić chamon i manha, u RB — dobryja niedarahija stejki, dyni-tarpiedy i kavuny. Ale zbałansavany košyk (ja liču svoj bolš-mienš zbałansavanym) vychodzić prykładna roŭnym pa košcie. A voś u 2022‑m u Polščy sapraŭdy było prykmietna tańniej».
Treds dalacioŭ da Kazachstana
Admietna, što siarod kamientataraŭ šmat karystalnikaŭ z Kazachstana.
«Ja spačatku padumaŭ, što ŭvieś nabor praduktaŭ na pieršaj vyjavie, i adrazu dumka źjaviłasia, što ŭ Kazachstanie ceny takija ž. Potym svajpnuŭ naleva niekalki razoŭ», — piša čałaviek z Kazachstana.
«155 dalaraŭ u Kazachstanie — heta čysta vašy dva pački «Miersi» i hety łasoś», — žartuje inšaja kamientatarka.
Ale byli i tyja, chto hruntoŭna padyšoŭ da pytańnia paraŭnańnia cen na pradukty ŭ Polščy i Kazachstanie.
«Ja z Kazachstana, nie palenavałasia, i ŭvieś vaš praduktovy košyk ŭbiła na sajcie supiermarkieta. U jeŭra heta 155€, u dalarach — 185$. Tak što možna dakładna skazać što ŭ nas u dva razy daražejšy», — piša karystalnica z Kazachstana i dadaje, što ŭvodziła ŭsio dakładna pa kolkaści i hrammoŭkach, jakija byli ŭkazanyja aŭtarkaj dopisu.
U inšaj kamientatarki vyjšła suma 167 dalaraŭ.
* * *
Kali vy žyviacie ŭ Polščy abo Litvie, to možacie nie tolki paraŭnoŭvać ceny, ale i padtrymać «Našu Nivu» častkaj vašaha padachodnaha padatku. Heta nie budzie kaštavać vam ani centa.
Vy prosta pieranakirujecie 1,2—1,5% ad užo spłačanaha vami padatku pry padačy štohadovaj dekłaracyi.
Voś padrabiaznaja instrukcyja, jak zrabić heta ŭ Polščy. Kali vy pracujecie ŭ Litvie, to vam siudy.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ18
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary
Kstati, v Polšie jeŝie potomu produkty mohut byť diešievle, čto eto dostatočno krupnaja strana, a čiem krupnieje strana, tiem bolšie proizvoditielej i prodavcov, silnieje konkuriencija i nižie cieny. U nas V Avstrii produkty primierno na 30 % dorožie čiem v Hiermanii, potomu čto rynok v 9 raz mieńšie, iz torhovych sietiej po suti dieła liš 2: REWE i SPAR