U Polščy zatrymali biełarusaŭ, jakija chacieli pierapravić u Rasiju kamplektujučyja dla ŭdarnych dronaŭ
Zatrymańni adbylisia tydzień tamu.
U Polščy zatrymali čatyroch biełarusaŭ i dvuch palakaŭ, jakija źbiralisia adpravić praź Biełaruś u Rasiju kamplektujučyja, što mohuć vykarystoŭvacca pry zborcy ŭdarnych dronaŭ. Pra heta paviedamlaje Padatkovaja inśpiekcyja Polščy.
Palaki i biełarusy byli zatrymanyja ŭ sieradu, 18 lutaha. Ich zatrymańniu papiaredničaŭ jašče adzin epizod: supracoŭniki mytni spynili sprobu pastaŭki abstalavańnia, pryznačanaha dla aŭtamatyzacyi pracesu vytvorčaści intehralnych schiem.
U polskaj padatkovaj słužbie zajavili, što paspryjali «razryvu łancužka pastavak vajennaj techniki dla vojskaŭ Rasii, jakija dziejničajuć na terytoryi ŭschodniaj Ukrainy».
Usim zatrymanym užo vystaŭlenaje abvinavačańnie ŭ parušeńni pałažeńniaŭ zakona ab śpiecyjalnych mierach pa supraćdziejańni padtrymcy ahresii suprać Ukrainy, pryniataha viasnoj 2022 hoda. Im pahražaje pazbaŭleńnie voli na termin da troch hadoŭ. Troje ź ich aryštavanyja na try miesiacy, jašče troch adpuścili pad zakład i padpisku ab niavyjeździe z krainy z palicejskim nahladam.
Byli praviedzienyja pieratrusy, u zatrymanych kanfiskavali 400 000 złotych (112 000 dalaraŭ).
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!2
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary