Lidar hurta «Drazdy» Vital Karpanaŭ raźmiaściŭ u svaim akaŭncie ŭ Threads abjavu ab płanavanaj hastrolnaj pajezdcy ŭ jeŭrapiejskija krainy.
«Pakul nie ŭ Minsku… Kancertny tur pa Jeŭropie», — napisaŭ Karpanaŭ.
Jak vyhladaje z prykładzienaha videa, u płanach hurta 5 maja pravieści kancert u stalicy Małdovy Kišyniovie, 7 i 9 u čarnahorskich Padhorycy i Budvie, a zaviaršyć tur 12 maja ŭ Prazie.
Minuły hod dla Karpanava i jaho hurta byŭ niaprostym. «Drazdy», viadomyja svaimi biełaruskamoŭnymi chitami i łajalnaj da ŭłady rytorykaj, raptoŭna sutyknulisia z prablemami. Niahledziačy na padkreślenuju padtrymku aficyjnaha kursu i navat svojeasablivaje «pakajańnie» za 2020 hod (tady Karpanaŭ paraŭnaŭ pratestoŭcaŭ z tymi, chto «prystaviŭ nož da horła kiroŭcy», a siabie i inšych spałochanych — z tymi, chto «puknuŭ ad strachu»), hurt trapiŭ pad presinh.
Pryčynaj stali skarhi prarasijskich aktyvistaŭ, siarod ich, Volhi Bondaravaj, jakuju razdražniała biełaruskaja mova ŭ tvorčaści muzykaŭ. Uviesnu Karpanaŭ navat zajaŭlaŭ pra spynieńnie dziejnaści hurta, bo im faktyčna zabaranili vystupać u bujnych haradach.
Paźniej situacyja krychu palepšyłasia: paśla rezanansu ŭ ŚMI čynoŭniki nibyta dali dabro na kancerty ŭ abłasnych centrach. Adnak stalica dla «Drazdoŭ» zastałasia zakrytaj — u praviadzieńni kancerta ŭ minskim Pałacy sportu im admovili.
«Drazdy» pierazapisali svaju znakamituju pieśniu «Chata baćkoŭ» na ruskaj movie
«A ty słužyŭ?» Vital Karpanaŭ adsłužyŭ na Rastvo ŭ carkvie
«Dažylisia. U Biełarusi zabaraniajuć vystupać na biełaruskaj»
Pakajańnie za 2020‑y nie dapamahło — kancertaŭ «Drazdam» nie dajuć. Hurt spyniaje vystupy, Karpanaŭ idzie ŭ biełaruskamoŭny stendap
Kamientary