U Hrodnie ŭsio ž sioleta projduć Kaziuki. 28 lutaha ŭ centry horada adbudziecca tradycyjny ramiesny kirmaš, jaki miascovyja ŭłady niejki čas tamu stali sumiaščać z Maślenicaj, piša Hrodna.life.
Fiestyval na vulicy Savieckaj možna budzie naviedać 28 lutaha z 11:00 da 19:00. Jak paviedamlaje ŭpraŭleńnie kultury Hrodzienskaha abłvykankama, u horad pryjeduć ramieśniki z usioj krainy. Možna budzie nabyć aŭtarskija suvieniry, paŭdzielničać u majstar-kłasach pa kieramicy i inšych ramiostvach, a taksama ŭbačyć abrad paśviačeńnia maładoha majstra ŭ ramieśniki.
Kancertnaja prahrama pačniecca a 13:00 z uračystaha adkryćcia śviata, a zatym praciahniecca vystupami falkłornych kalektyvaŭ. Zavieršyć dzień estradny kancert z udziełam artystaŭ ź Minska.
Apošnija niekalki hadoŭ Kaziuki i Maślenicu stali pravodzić u Hrodnie razam.
U hetym hodzie, miarkujučy z usiaho, taki farmat pavinien byŭ taksama zachavacca. Fiestyval «Hrodzienski RazHulaj» z Maślenicaj i Kaziukami płanavali na 28 lutaha, ale data vyklikała pytańni. Maślenica ŭ hetym hodzie zakončyłasia 22 lutaha, a 28‑ha prypadaje na pačatak Vialikaha postu. Da ramiesnaha ž kirmašu, jaki tradycyjna pravodziŭsia ŭ najbližejšyja vychadnyja da 4 sakavika — Dnia śviatoha Kazimira, jašče było daloka.
U vyniku farmat źmianili: maśleničny «RazHulaj» prajšoŭ 22 lutaha. Pry hetym datu hulańniaŭ źmianili litaralna «za try dni» da mierapryjemstva.
U anonsach Kaziukoŭ pa-raniejšamu amal nie tłumačycca, čamu mienavita pryśviečany hety dzień. Histaryčna Kaziuki źviazanyja z pamiaćciu śviatoha Kazimira — kniažyča, syna karala i vialikaha kniazia Kazimira Jahiełončyka, jaki pamior u 1484 hodzie ŭ zamku ŭ Hrodnie i paźniej byŭ kananizavany. Śviaty Kazimir ličycca apiekunom Litvy, moładzi, ramieśnikaŭ i Hrodzienskaj katalickaj dyjacezii.
U 2026 hodzie adrodžanamu ŭ Hrodnie fiestyvalu ramieśnikaŭ «Kaziuki» spaŭniajecca 25 hadoŭ, adnak za apošnija hady tradycyja zaŭvažna abiasceniłasia. Apošni raz Kaziuki prachodzili jak samastojnaje mierapryjemstva ŭ 2021 hodzie. Tady fiestyval jašče zachoŭvaŭ status mižnarodnaha — u im udzielničali majstry z Ukrainy.
U 2022 hodzie ŭ Hrodnie praviadzieńnie Kaziukoŭ i Maślenicy ŭpieršyniu sumiaścili. Tady ramiesny kirmaš prajšoŭ na płoščy Savieckaj, a hulańni — na płoščy Lenina. U 2023 hodzie Kaziuki i Maślenica ŭ Hrodnie prachodzili ŭ sakaviku i ŭžo na adnoj płoščy — Savieckaj. Na ramiesny kirmaš, jaki kaliści źbiraŭ majstroŭ z susiednich krain, nie pryjechaŭ nivodzin zamiežny pradstaŭnik.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty8
Kamientary
ja tolki za apošnija hady pačaŭ sustrakaać słova "zaŭvažna"
raniej, u ŚMI i litaratury byli tolki "prykmietna" i "vidavočna"
zamietno
1) prymietna , prykmietna
2) prymietna , prykmietna, vidać
tam ničieho nie było zamietno — tam ničoha nie było prymietna (prykmietna, vidać) 3) vidać (javno) vidavočna