Zatrymali padletka ź Minska, jaki pradavaŭ falšyvyja kvitki na kancert rasijskaha repiera Mota
17‑hadovy padletak ź Minska niekalki razoŭ pradaŭ adny i tyja ž bilety na kancert, paviedamili ŭ HUUS Minharvykankama. Niekalki padmanutych hramadzian źviarnulisia ŭ milicyju.
Udakładniajecca, što jany nabyli ŭ internecie elektronnyja bilety na kancert u «Minsk-Arenie», adnak nie zmahli pa ich trapić na mierapryjemstva. Taksama siłaviki zafiksavali anałahičnyja paviedamleńni, raźmieščanyja ŭ internecie.
U vyniku apieratyŭnych dziejańniaŭ byŭ zatrymany padazravany. Pavodle infarmacyi HUUS, małady čałaviek, vučań adnaho ź minskich kaledžaŭ, pryznaŭsia, što kupiŭ šeść biletaŭ na kancert zamiežnaha śpievaka i źbiraŭsia naviedać jaho ź siabrami, ale praź niekatory čas pieradumaŭ.
Spačatku jon pradaŭ praź internet sapraŭdnyja bilety. Zatym zrabiŭ niekalki kopij, źmianiŭ u ich numary, miescy pasadki i košt. Taksama raźmiaściŭ abjavu ab ich prodažy na handlovaj placoŭcy. Tak małady čałaviek ź listapada 2025 hoda realizoŭvaŭ padroblenyja bilety siarod žycharoŭ Minska i inšych haradoŭ. U cełym jon vyručyŭ bolš za 3,5 tysiačy rubloŭ. Hrošy patraciŭ na pradukty i anłajn-hulni, skazana ŭ paviedamleńni viedamstva.
Małady čałaviek pryznaŭ vinu i ŭžo kampiensavaŭ paciarpiełym častku škody. Raniej da kryminalnaj adkaznaści jon nie pryciahvaŭsia, ale traplaŭ u pole zroku milicyi.
U paviedamleńni milicyi nie havorycca, na jaki mienavita kancert pradavaŭ falšyvyja kvitki padletak, ale z ahulnaha kantekstu vidavočna, što havorka idzie pra kancerty rasijskaha śpievaka Mota (Maćvieja Mielnikava), jakija prachodzili 14 i 15 lutaha na «Minsk-arenie». Raniej paviedamlałasia, što niekatoryja patencyjnyja hledačy kancerta stali achviaraj machlarstva.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary