У Маладзечне адкрываюць завод, дзе будуць выпускаць прадукт, пра які вы не чулі
Больш за паўгода вытворчасць працуе ў эксперыментальным рэжыме. Хутка ж плошчы сур’ёзна павялічацца.
У Маладзечне рыхтуюцца да запуску незвычайнай вытворчасці — упершыню тут асвоілі выпуск аквафабы. Гэта інавацыйны парашок з нута — раслінная альтэрнатыва яйкам, з якога можна прыгатаваць зефір, безэ, маянэз, распавядае СТБ.
Эксперыментальны цэх працуе паўгода. Тут таксама вырабляюць шырокі асартымент кансерваў: ад бабовых у таматным соусе да струковай фасолі і намазак. Пакуль аб'ёмы вытворчасці складаюць каля 20 тысяч адзінак за месяц. Прадукцыя прадаецца як у Беларусі, так у Расіі і Казахстане.
Зусім хутка прадпрыемства пашырыць плошчу і адкрые асноўны вытворчы цэх.
— Было закуплена самае перадавое абсталяванне, якое дасць магчымасць нам выпускаць выдатную прадукцыю для жыхароў нашай краіны, а таксама блізкага замежжа. Пры запуску другой чаргі аб'ёмы прадукцыі павялічацца ў 20 разоў і будуць створаны 53 новыя рабочыя месцы. Планаў яшчэ дастаткова шмат, на дасягнутым не спыняемся. І думаю, што зможам яшчэ здзівіць бліжэй да канца года, — абяцае Віталь Кулік, намеснік дырэктара па развіцці прадпрыемства па перапрацоўцы бабовых культур.
-
Пры ўзвядзенні дома ў Мінску будаўнікі замянілі керамзітабетон на «гіпсакардон». Людзі забілі трывогу
-
«Зладзілі маленькі Кітай». Што вядома пра новую вытворчасць халадзільнікаў у Баранавічах
-
«Галоўная крыніца выдаткаў — гэта часта адносіны». Айцішнік расказаў, як за тры гады купіў кватэру ў Тбілісі з заробку
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў5
Каментары
малайцы, што сказаць. у майго сына 100% алергія на яйка. ягоны арганізм цалкам адрынае любое яйка. нават перапялінае, якое лічыцца тыпу гіпаалергенным. то бок яму ніколі не пакаштаваць такія вырабы, як зефір ці бісквіт і т.п. са звычайнага яйка.. ну калі хіба з аквафабы