Žychar Bresta načavaŭ u mašynie, kab atrymlivać kamandzirovačnyja za žyllo
59‑hadovy i 64‑hadovy supracoŭniki dziaržaŭnaha pradpryjemstva Bresta rehularna jeździli ŭ Minsk i atrymlivali kamandzirovačnyja, u tym liku hrošy na arendu žylla.
Pavodle danych SK, 59‑hadovy mužčyna za amal try hady jeździŭ u Minsk 65 razoŭ. U spravazdačach jon ukazvaŭ, što zdymaŭ kvateru pasutačna, ale nasamreč načavaŭ u słužbovym aŭtamabili. Jon pieradavaŭ uładalniku kvatery častku ŭzhodnienaj sumy, a ŭ buchhałteryju padavaŭ fiktyŭnyja dakumienty na poŭnuju apłatu.
Jaho 64‑hadovy kaleha dziejničaŭ anałahična: afarmlaŭ arendu kvatery, ale žyŭ u svajakoŭ.
Akramia taho, niekalki razoŭ viartaŭsia z kamandziroŭki raniej za vyznačany termin, prysvojvajučy niavykarystanyja sutačnyja. U paćviardžeńnie jon pradastaŭlaŭ bilety z paźniejšaj dataj, stvarajučy ŭražańnie, što znachodziŭsia ŭ Minsku daŭžej. Pavodle danych śledstva, takim čynam jon dziejničaŭ u 16 kamandziroŭkach.
Śledčyja vyvučyli spravazdačnyja dakumienty, puciavyja listy i kvitancyi. Ahułam rabotniki prysvoili bolš za 19 tysiač rubloŭ.
Abodva fihuranty pryznali vinu i całkam pakryli naniesienuju škodu.
64‑hadovamu žycharu Bresta vystaŭlena abvinavačańnie pavodle č. 1 art. 211 KK (prysvajeńnie majomaści asobaj, jakoj jana ŭvieriena), 59‑hadovamu — pavodle č. 3 art. 211 KK (toje ž dziejańnie, učynienaje ŭ bujnym pamiery).
Ciapier čytajuć
Polski dypłamat raskazaŭ, jak pryvoziŭ Kolu multfilmy na dyskach i kim dla siamji Łukašenkaŭ byŭ Makiej4
Kamientary