Pad Minskam adkryli zavod, dzie robaty vypuskajuć duchavyja šafy
Novuju biełaruska-kitajskuju vysokatechnałahičnuju vytvorčaść duchavych šafaŭ zapuścili ŭ Minsku. Heta prajekt chołdynha «Haryzont», piša BiełTA.
Paśla vychadu na prajektnuju mahutnaść tam płanujuć vypuskać da 600 tysiač vyrabaŭ u hod. U vyniku heta dazvolić pavialičyć dolu prysutnaści biełaruskaj techniki jak na ŭnutranym rynku, tak i ŭ krainach JEAES.
«Fiška» zavoda — udzieł čałavieka źviedzieny da minimumu. Techniku tut źbirajuć robaty. Naprykład, u cechu štampoŭki pracujuć aŭtamatyčnyja presy, jakija zabiaśpiečvajuć najvyšejšuju dakładnaść farmavańnia detalaŭ. Poŭnaściu aŭtamatyzavany i praces naniasieńnia pakryćcia: ŠI-kamiery ŭ režymie realnaha času analizujuć hieamietryju detali i adaptujuć trajektoryju raspyleńnia dla hłybokaj prafarboŭki ŭnutranaj pavierchni. Akramia taho, na ŭsich etapach vytvorčaści vykarystoŭvajuć šmatuzroŭnievuju sistemu kantrolu jakaści na bazie štučnaha intelektu.
U śniežni 2025 hoda chołdynh «Haryzont» zapuściŭ masavuju robatyzavanuju vytvorčaść televizaraŭ sa ŠI. Pradpryjemstva pracuje pa pryncypie lights out: čałavieka całkam zamianili pramysłovyja robaty i aŭtamatyzavanyja sistemy, intehravanyja ŭ skraznuju sistemu ličbavaha kiravańnia vytvorčym cykłam.
Raniej taksama anansavali, što ŭ 2026 hodzie na pradpryjemstvie «Atłant» robaty buduć źbirać haryzantalnyja marazilniki.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary