Niaviesta adpraviła žanicha pierad viasiellem na psichijatryčnuju ekśpiertyzu
U Žłobinie žanich prajšoŭ psichołaha-psichijatryčnuju ekśpiertyzu, kab paćvierdzić zakonnaść budučaj šlubnaj damovy. Na niezvyčajnaj pracedury nastajała jaho abrańnica.
U pary za plačyma ŭžo jość dośvied surjoznych adnosin i dzieci ad papiarednich šlubaŭ. Płanujučy novaje sumiesnaje žyćcio, zakachanyja vyrašyli zaklučyć šlubnuju damovu. Dakumient pavinien dakładna vyznačyć majomasnyja pravy, abaviazki pa ŭtrymańni sužencaŭ i intaresy dziaciej, raspaviadaje «Homielskaja praŭda».
Adnak była adna detal: u mužčyny jość zachvorvańnie centralnaj niervovaj sistemy.
Kab u budučyni nichto nie zmoh asprečyć jaho volevyjaŭleńnie i pryznać damovu niesapraŭdnaj, niaviesta prapanavała prajści aficyjnuju pravierku ŭ Dziaržaŭnym kamitecie sudovych ekśpiertyz.
Śpiecyjalisty Žłobinskaha mižrajonnaha adździeła DKSE praviali kompleksnaje daśledavańnie.
Vierdykt ekśpiertaŭ: asablivaści zdaroŭja mužčyny nijak nie paŭpłyvali na jaho zdolnaść prymać uśviadomlenyja rašeńni. Atrymaŭšy zialonaje śviatło i aficyjnaje zaklučeńnie, žanich adpraviŭsia da nataryusa dla afarmleńnia ździełki.
— Takaja ekśpiertyza pravodzicca na dahavornaj asnovie i dazvalaje hramadzianinu zaśviedčyć svoj aktualny psichičny stan u dzień ździajśnieńnia važnaha kroku, — tłumačyć Julija Karpava, načalnik siektara sudova-psichijatryčnych ekśpiertyz Žłobinskaha adździeła HKSE. — Heta stanovicca važkim arhumientam u sudzie, kali chtości pasprabuje zajavić, što čałaviek nie razumieŭ značeńnia svaich dziejańniaŭ. Zaklučeńnie ekśpierta — heta harant zachavanaści pryniatych rašeńniaŭ i abarony pravoŭ.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
Jany pa pryrodzie svajoj nie zdolnyja na hvałt? Bo nieparočnyja dzievy, jak fiem-teołahi prapaviedujuć?