Rasijskamu palitviaźniu dadali paŭtara hoda źniavoleńnia za voklič «Słava Ukrainie! Śmierć Pucinu!»
Rasijskaha fatohrafa Alaksandra Strukava, jaki pracavaŭ u štabach Alaksieja Navalnaha, asudzili da šaści hadoŭ pazbaŭleńnia voli pa abvinavačańni ŭ publičnych zaklikach da teraryzmu. Padstavaj dla novaj kryminalnaj spravy staŭ jaho voklič u sudzie paśla ahučvańnia pieršaha prysudu.
Jak paviedamlaje rasijskaja «Miedyjazona», paśla vyniasieńnia rašeńnia pavodle papiaredniaj spravy Strukaŭ vykryknuŭ: «Słava Ukrainie! Śmierć Pucinu!». Mienavita heta stała padstavaj dla čarhovaha abvinavačańnia.
Sud pryznačyŭ pakarańnie pa sukupnaści ź nieadbytym terminam pa pieršaj spravie, tamu faktyčna da raniejšaha prysudu dabavili kala paŭtara hoda.
U svaim apošnim słovie Strukaŭ zajaviŭ, što nie ličyć siabie vinavatym, nie raskajvajecca i nie źbirajecca źmianiać svaich pohladaŭ. Jon adznačyŭ, što nie pryznaje siabie ekstremistam i padkreśliŭ svaju niazhodu z abvinavačańniami.
U listapadzie 2023 hoda 32‑hadovaha Alaksandra Strukava prysudzili da vaśmi hadoŭ kałonii za kamientaryi ŭ telehram-kanale vydańnia Znak.com, jakija ŭ tym liku pačynalisia sa słoŭ «Słava Ukrainie!», «Dałoŭ uładu čekistaŭ…», «Usim dobraj ranicy, dałoŭ Pucina!» Pry apielacyi termin skaracili da 7 hadoŭ i 10 miesiacaŭ.
U SIZA i kałonii Strukaŭ pastajanna sutykaŭsia ź ciskam: eks-najmit «PVK Vahniera» prapanoŭvaŭ sukamiernikam cyharety za jaho źbićcio, fatohrafa niekalki razoŭ źmiaščali ŭ ŠIZA i, niahledziačy na astmu i branchit, adpraŭlali na «pylnuju vytvorčaść». U kałonii Strukaŭ stajaŭ na ŭliku jak asoba, jakaja «raspaŭsiudžvaje ekstremizm» i schilnaja da «złačynstvaŭ terarystyčnaj skiravanaści». 28 krasavika 2025 hoda suprać jaho zaviali novuju kryminalnuju spravu.
Mierc: Rasija zahrazła ŭ strašnym varvarstvie, i heta nie źmienicca
Rečyva, jakim zabili Navalnaha, sintezavaŭ centr «Sihnał». Jon ža ŭdzielničaŭ u atručeńni palityka ŭ 2020 hodzie
Piaskoŭ prakamientavaŭ abvinavačvańni ŭ atručvańni Navalnaha nadzvyčaj redkim zvyštaksičnym jadam
Navalnaha atrucili ŭ kałonii rečyvam epibatydzin — jad ekvadorskaj žaby. Heta zmahli vyjavić, dziakujučy bijamateryjałam, vyviezienym siamjoju
68‑hadovuju biblijatekarku ź Biełarusi sudziać u Rasii za danaty Fondu Navalnaha
Ciapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku14
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary