Mierc: Rasija zahrazła ŭ strašnym varvarstvie, i heta nie źmienicca
Napiaredadni svajho pieraabrańnia na pasadu lidara partyi CHDS Frydrych Mierc daŭ vialikaje intervju niamieckim vydańniam Neue Berliner Redaktionsgesellschaft (NBR) i Rheinpfalz. U razmovie palityk akreśliŭ svajo bačańnie budučyni adnosin z Maskvoj, pierśpiektyvy adnaŭleńnia ekanamičnych suviaziaŭ i pryrodu ciapierašniaha rasijskaha režymu.
Adkazvajučy na pytańnie žurnalistaŭ pra hałasy tych, chto spadziajecca na adnaŭleńnie pastavak rasijskaha hazu, Mierc byŭ kateharyčny.
«Heta nie varyjant, pakul Pucin viadzie hetuju złačynnuju vajnu», — padkreśliŭ jon, a hazavaje partniorstva z Rasijaj nazvaŭ «fatalnaj zaležnaściu».
«Nam nie varta mieć iluzij: rasijskaja ŭładnaja hrupoŭka ŭ najbližejšaj pierśpiektyvie naohuł nie moža abyścisia biez vajny. Joj treba padtrymlivać pracu vajennaj mašyny, tamu što ŭ jaje niama płana, što inakš rabić z sotniami tysiač sałdat, jakija viartajucca z frontu, častkova ź ciažkimi psichałahičnymi traŭmami. Na maju dumku, hetaja vajna skončycca tolki tady, kali adzin z bakoŭ budzie vyčarpany — abo ŭ vajskovym, abo ŭ ekanamičnym płanie», — vykazaŭ svajo mierkavańnie Mierc.
Jak davodzić kancler, meta krain Jeŭropy palahaje u tym, «kab rasijskaja dziaržava bolš nie mahła vieści vajnu ŭ vajskovym płanie i nie mahła dalej finansavać jaje ekanamična».
«Ni rozum, ni humanitarnyja arhumienty nie pierakanajuć Pucina. Heta horkaja praŭda», — padkreśliŭ jon.
«Najhłybiejšaje varvarstva»
Asobnaja ŭvaha ŭ intervju była nadadziena asobie Uładzimira Pucina. Žurnalisty spytali, ci mahčymyja narmalnyja adnosiny z čałaviekam, jaki, naprykład, addaŭ zahad atrucić apazicyjaniera Alaksieja Navalnaha ŭ kałonii.
«Ja liču heta amal niemahčymym. Kali ja hladžu na hety režym i hety ślapy teror, u mianie mała nadziei», — adkazaŭ Mierc.
Kab apisać stan sučasnaj Rasii, palityk źviarnuŭsia da historyi:
«Jość cikavaja cytata francuzskaha piśmieńnika Astolfa de Kiuścina z XIX stahodździa, jaki paśla doŭhich padarožžaŭ pa Rasii skazaŭ: «Rasija ŭ našy dni — samaja dziŭnaja kraina dla naziralnika, tamu što ŭ joj možna znajści najhłybiejšaje varvarstva pobač z najvyšejšaj cyvilizacyjaj».
Na dumku Mierca, hetyja słovy zastajucca aktualnymi i praz dva stahodździ.
«Hetaj cytacie 200 hadoŭ, i, na žal, jana spraviadlivaja i siońnia. Zaraz my bačym hetuju krainu ŭ stanie najhłybiejšaha varvarstva. U blizkim časie heta nie źmienicca, i z hetym nam daviadziecca źmirycca», — reziumavaŭ Frydrych Mierc.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ5
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1818
Kamientary
Varvarstvo v sriednieviekovych "skriepach", v propahandie morali 19 vieka, a to i "domostroja"