U Hrodnie školnik pieradaŭ afierystam 82 tysiačy rubloŭ. Ale ŭsio skončyłasia dobra
Fihurantam kryminalnaj spravy akazaŭsia 21‑hadovy zamiežny hramadzianin, jaki vykonvaŭ rolu kurjera ŭ złačynnaj schiemie, paviedamlaje pres-słužba Hienieralnaj prakuratury.
Jak było ŭstanoŭlena, małady čałaviek praź miesiendžar atrymaŭ ad trecich asob prapanovu zarabić. Jaho zadača zaklučałasia ŭ tym, kab vykanać rolu kurjera. Za hetyja pasłuhi jamu abiacali 2% ad pieradadzienaj sumy.
Paralelna machlary apracoŭvali 11‑hadovaha chłopčyka z Hrodna. Jany pierakanali jaho ničoha nie raskazvać baćkam, zatym daručyli sfatahrafavać hrošy, jakija byli ŭ kvatery. Chłopčyk zapeŭniŭ, što doma jość aščadak i jon navat viedaje, dzie jaho zachoŭvajuć.
Złačyncy stali jaho zapałochvać i pahražać baćku turmoj. Pry hetym skazali, što nieabchodna pravieryć sapraŭdnaść kupiur. Kali jany buduć sapraŭdnymi, to ich praź niekatory čas viernuć. Usie razmovy z chłopčykam byli stroha kanfidencyjnymi.
U kancy listapada afierysty znoŭ źviazalisia sa školnikam. Paśla hetaha chłopčyk pieradaŭ kurjeru aščadak siamji — bolš za 82 tysiačy rubloŭ.
Kurjer paśpieŭ pakinuć Hrodna, ale nieŭzabavie byŭ zatrymany na trasie M-6. Z atrymanych srodkaŭ jon patraciŭ tolki 500 rubloŭ, a astatniuju sumu ŭ jaho kanfiskavali i pieradali paciarpiełamu.
Małady čałaviek pryznaŭ svaju vinu i raskajaŭsia va ŭčynienym złačynstvie. Pavodle jaho słoŭ, jon nie dumaŭ pra ŭsiu surjoznaść dziejańniaŭ, adnak razumieŭ ich niezakonny charaktar. Vykonvaŭ instrukcyi nieviadomaj jamu asoby, pakolki jamu abiacali dobruju płatu za nieskładanuju pracu.
Sud pryznaŭ jaho vinavatym pavodle častki 4 artykuła 209 Kryminalnaha kodeksa. Akramia realnaha terminu i štrafu, zhodna z praviłami častki 1 artykuła 46‑1 KK mabilny telefon fihuranta, jaki vykarystoŭvaŭsia jak srodak złačynstva, kanfiskavany ŭ dachod dziaržavy.
Chłopiec z Hrodna zakruciŭ chitramudruju kryminalnuju schiemu z padmienaj tavaraŭ z markietpłejsa
Piensijanierka 10 dzion vynosiła z domu hrošy i zołata dla machlaroŭ
Piensijanierka aformiła na siabie dla machlaroŭ 21 sim-kartu
19‑hadovy chłopiec vynies machlaram usie hrošy baćkoŭ
Žychar Vilejki spałochaŭsia abvinavačańnia ŭ finansavańni USU i addaŭ machlaram bolš za 126 tysiač rubloŭ
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary