Pasolstva ŭ Iranie rekamienduje biełarusam samastojna źjechać z krainy
Z-za zakrytaj pavietranaj prastory vylet z krainy ciapier niemahčymy, tamu vyjazdžać varta ci ŭ Armieniju, ci ŭ Azierbajdžan.
Pasolstva Biełarusi ŭ Tehieranie rekamiendavała hramadzianam, jakija znachodziacca ŭ Iranie, samastojna pakinuć krainu na fonie praciahłych vajennych dziejańniaŭ.
U pasolstvie zaklikali biełarusaŭ zachoŭvać spakoj, vykonvać aściarožnaść i paźbiahać miescaŭ masavaha zboru ludziej.
Taksama dypłamaty rajać nie nabližacca da vajennych i dziaržaŭnych abjektaŭ, nie fatahrafavać i nie zdymać ich na videa, a pry nieabchodnaści chavacca ŭ schoviščach abo na nižnich uzroŭniach padziemnych parkinhaŭ.
Z-za zakrytaj pavietranaj prastory vylet z krainy ciapier niemahčymy. U suviazi z hetym hramadzianam Biełarusi nastojliva rekamiendujuć skarystacca dastupnymi naziemnymi maršrutami i samastojna vyjechać ź Irana ŭ Armieniju abo Azierbajdžan.
U dypmisii adznačyli, što najbolš zručny maršrut prachodzić praz punkt propusku «Nurduz — Aharak» na miažy z Armienijaj. Dla vyjezdu praz Azierbajdžan nieabchodna zahadzia atrymać indyvidualny dazvoł.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3737
Kamientary