8 sakavika sotni tysiač mužčyn pa ŭsioj Biełarusi panieśli dadomu bukiety tradycyjnych kvietak na Mižnarodny žanočy dzień. Tyja, u svaju čarhu, apynulisia ŭ vazach u tysiačach kvater i damoŭ. I tut uźnikaje pytańnie: jak zachavać ciulpany śviežymi jak maha daŭžej?
Vydańnie Telegraf.news sabrała parady ekśpiertaŭ (pradaŭcoŭ i tych, chto zajmajecca ich vyroščvańniem), jak padoŭžyć žyćcio viasnovym kvietkam. I akazałasia, što tut niama ničoha składanaha, važna vykanać tolki niekalki pravił. Usie jany nie patrabujuć lišnich hrašovych vydatkaŭ, tolki krychu času i ŭvahi da bukietaŭ.
Chałodnaja vada
Ciulpany lubiać ledzianuju vadu. A heta značyć, što ŭ vazu možna navat kinuć niekalki kubikaŭ lodu. Na noč bukiet možna vynosić na zašklony bałkon (ale tolki kali tam niama minusavoj tempieratury);
Mienš vady
Nie starajciesia napaŭniać banki i vazy da krajoŭ. Tut jakraz toj vypadak, kali čym bolš, tym horš. Nalivajcie ŭsiaho 5—7 sm vady, kab ściobły ciulpanaŭ nie hnili.
Nie zabyvajcie padrazać
Aśviažajcie zrez ściobłaŭ vostrym nažom abo nažnicami pad vuhłom 45 hradusaŭ kožnyja 1—2 dni. Adrazajcie prykładna 1 sm. Pryčyna taja ž — nie davajcie hnić ściobłam. A pad vuhłom zrazać ściobły treba, kab pavialičyć płošču ŭsmoktvańnia vady.
Prachałoda
U adroźnieńnie ad žyvych kvietak, bukiet zrezanych treba trymać dalej ad pramych soniečnych pramianioŭ, skraźniakoŭ i aciaplalnych pryboraŭ.
Vydaleńnie liścia
Vydalicie nižniaje liście, pa mahčymaści tak, kab jano nie znachodziłasia ŭ vadzie i nie hniło.
Nie tyja susiedzi ŭ vazie
Ciulpany, darečy, ciarpieć nie mohuć susiedstva z narcysami (tyja vydzialajuć u vadu atrutny sok). A voś kubik cukru (čajnaja łyžka na litr vady) abo tabletka aśpirynu dapamohuć kvietkam prastajać daŭžej.
A jašče nie varta pałochacca, kali bukiet paśla taho, jak akazaŭsia doma, raptam chutka zaviaŭ.
«Kali kuplajecie pa takoj canie, treba pryvieźci dadomu, zrabić zrez i pastavić u vadu ŭ chałodnym miescy, prosta ŭ pačku, u jakim kupili! Noč adpoicca i na ranicu zusim inšaja kvietka! Heta ciulpan, jon navat raście, stojačy ŭ vazie!» — dajuć parady adzin adnamu ŭ sacsietkach biełarusy.
«U saviecki čas amal zarabiŭ na «Žyhuli». Piensijanier raskazaŭ pra svoj kvietkavy biznes
Vulicy Minska zapałanili ciulpany — ceny vahajucca ad 4 da 6 rubloŭ za štuku
Bujnoha biełaruskaha imparciora ciulpanaŭ złavili na padatkovych machinacyjach
«Strata ŭradžaju — 40 %». Pradaŭcy ciulpanaŭ raskazali, čamu nie buduć źnižać ceny
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary