U Miadzieli chłopiec prykidvaŭsia dziaŭčynaj i strasaŭ z mužčyn hrošy
U Miadzieli raskryli padrabiaznaści spravy pra bujnoje machlarstva ŭ internecie. 19‑hadovy chłopiec vydavaŭ siabie za dziaŭčynu, kab vymanić hrošy za «intymnyja pasłuhi», paviedamili ŭ pres-słužbie Śledčaha kamiteta Biełarusi.
Małady čałaviek stvaryŭ fejkavy profil pad imieniem «Dyjana» i zaviazvaŭ stasunki z mužčynami, kab prasić u ich hrošy. Adna z achviar zapłaciła chłopcu 150 rubloŭ za materyjały parnahrafičnaha charaktaru, papiarednie ściahnutyja ź internetu. Na nastupny dzień «Dyjana» prapanavała jamu sustreču z «praciaham» i pad roznymi začepkami — apłata arendy, harantyja sustrečy — pierakanała mužčynu pieraličyć jašče 1950 rubloŭ. Adnak paśla atrymańnia hrošaj suviaź spyniłasia.
Paśla taho achviara zrazumieła, što tut dziejničaje machlar, i źviarnułasia ŭ pravaachoŭnyja orhany. Milicyja chutka znajšła maładziona, jakoha raniej užo sudzili za takoje pravaparušeńnie.
Na dopycie jon sprabavaŭ apraŭdać svaje dziejańni ciažkim materyjalnym stanoviščam: ciažarnaja žonka, niedachop hrošaj, nieapłačany štraf, ale hetyja arhumienty nie pierakanali śledčych. Ciapier kryminalnaja sprava pavodle artykułaŭ ab machlarstvie i raspaŭsiudzie parnahrafii pieradadzienaja prakuroru dla nakiravańnia ŭ sud.
Piensijanier častku hrošaj schavaŭ pad mostam, a astatniaje pieraličyŭ na rachunak nieznajomca
80‑hadovaja babula z Udmurcii dvojčy pryjazdžała ŭ Minsk pa zadańni machlaroŭ
14‑hadovaja školnica ŭ Minsku addała machlaram 90 tysiač rubloŭ
U Hrodnie školnik pieradaŭ afierystam 82 tysiačy rubloŭ. Ale ŭsio skončyłasia dobra
Ciapier čytajuć
Łukašenka pra vyzvaleńnie palitviaźniaŭ: Chočuć zastacca ŭ Biełarusi — kali łaska1
Kamientary