Pra toje, što Ilja Muramiec moh pachodzić ź biełaruskaj Bychaŭščyny, praŭładny historyk i deputat Ihar Marzaluk paviedamiŭ padčas adnoj z prahram svajho cykła lekcyj «sapraŭdnaj historyi» na BiełTA.
Havoračy pra vydatnaha biełaruskaha archieołaha, etnohrafa i falkłarysta Jeŭdakima Ramanava, jaki žyŭ i pracavaŭ u druhoj pałovie XIX — pačatku XX stahodździa, Marzaluk zhadaŭ, što toj adrazu ŭ niekalkich varyjantach zachavaŭ padańnie pra Illušku, jakoje raskazvali na terytoryi Bychaŭskaha pavieta.
«U hetym padańni adlustravanyja najvažniejšyja siužetnyja linii byliny pra Ilju Muramca. Samaje cikavaje, što ŭ hetym padańni śćviardžajecca, što Illuška — hety asiłak — naradziŭsia nie niedzie ŭ vioscy Karačaravie ci jašče dzie-niebudź. Hety Illa Muramiec naradziŭsia ŭ Bychaŭskim paviecie, tam navat vioska zhadvajecca.
Bolš za toje, jon byŭ vialikim asiłkam i šmat bahatyrstvavaŭ. I za ŭsie jaho zasłuhi, za toje, što jon addana słužyŭ viery chryścijanskaj, Boh jaho paklikaŭ da siabie. Jon uznosicca na nieba ŭ ciele i stanovicca prarokam.
Takim čynam, zhodna z ujaŭleńniami bychaŭskaha sialanstva kanca XIX stahodździa, Illa Prarok — heta nichto inšy, jak Illa z bychaŭskaj ziamli», — raskazaŭ Ihar Marzaluk.
Pa jaho słovach, narodnaja pierakadziroŭka, jakaja źviazvaje Illu Praroka i Illu Muramca, była charakternaja dla padańniaŭ, raspaŭsiudžanych na terytoryi Mahiloŭskaj hubierni.
«Možna ŭśmichacca, ale heta vielmi cikava, kali tyja ci inšyja siužety śviatoj historyi nacyjanalizujucca, i kali tyja ci inšyja śviatyja praroki pryviazvajucca da biełaruskaj ziamli», — śćviardžaje Marzaluk.
Fiaduta raskazaŭ, jak adnojčy ŭ kałonii jaho viali na «rasstreł». A akazałasia, na sustreču z Marzalukom
«Marzaluk — heta naš zubr». Jak praŭładny historyk niečakana staŭ trendam dla zumieraŭ u tyktoku
«Raniej Marzaluk vystupaŭ u kałonii, što ekstremisty — vorahi narodu. A apošni raz — što treba ŭmieć daravać»
Ihar Marzaluk na ideałahičnym mierapryjemstvie ŭpadaŭ u ekstaz ad abłasnych karavajaŭ VIDEA
Kamientary