U Mahilovie na Facinskim zalivie Dniapra adbylisia dva vypadki, kali rybaki pravalilisia pad tonki lod, paviedamiła Mahiloŭskaje abłasnoje ŭpraŭleńnie MNS.
Pieršy incydent zdaryŭsia 17 sakavika kala 18:30 — mužčyna pravaliŭsia pad lod, ale zmoh samastojna vyleźci z vady jašče da pryjezdu ratavalnikaŭ.
Amal u toj ža čas, prykładna za 150—200 mietraŭ, pad lod pravaliŭsia jašče adzin rybak. Jon taksama zdoleŭ vyleźci sam.
Kali na miesca prybyli supracoŭniki Tavarystva ratavańnia na vodach, jany dastavili abodvuch mužčyn na bierah. Dapamoha ratavalnikaŭ MNS dla vyciahvańnia z vady nie spatrebiłasia.
Paśla ahladu miedykami adzin z paciarpiełych, mužčyna 1974 hoda naradžeńnia, byŭ špitalizavany ź pieraachaładžeńniem. Druhoha paśla akazańnia dapamohi adpuścili dadomu.
Ratavalnyja słužby jašče raz papiaredžvajuć, što vychodzić na lod u pieryjad niestabilnych tempieratur vielmi niebiaśpiečna, i zaklikajuć vykonvać praviły biaśpieki.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary