Vydača šmatrazovych šenhienskich viz rasijanam skaraciłasia na 90%
Turapieratary na fonie ŭzmacnieńnia žorstkaści vizavaj palityki krain Jeŭropy fiksujuć značnaje skaračeńnie vydačy šmatrazovych šenhienskich viz rasijskim turystam sioleta, piša Asacyjacyja turapierataraŭ Rasii.
U studzieni — sakaviku 2026 hoda kolkaść vydadzienych šmatrazovych viz skaraciłasia nie mienš čym na 90% u paraŭnańni z anałahičnym pieryjadam 2025 hoda. Niekatoryja turapieratary raspaviali, što ŭ hetym hodzie praktyčna nie atrymlivali multyviz dla svaich klijentaŭ.
«U paraŭnańni sa studzieniem-sakavikom 2025 hoda vydača šmatrazovych viz skaraciłasia na 99%», — raspaviali ŭ adnoj z kampanij.
Pa danych turapierataraŭ, zamiest šmatrazovych viz rasijskim turystam u 50-60% vypadkaŭ vydajuć dvuchrazovyja vizy — «pieravažna pad kruizy». Takaja praktyka jość u konsulstvaŭ Italii, Francyi, Ispanii i Hrecyi.
U bolšaści vypadkaŭ rasijskim turystam, jakija płanujuć pajezdki ŭ Jeŭropu, varta aryjentavacca na adnarazovyja vizy pad terminy pajezdki, adznačajecca ŭ publikacyi ATAR.
Pry hetym z pačatku 2026 hoda turapieratary fiksujuć rost kolkaści zvarotaŭ pa šenhienskija vizy ŭ paraŭnańni ź pieršym kvartałam 2025 hoda. Naprykład, u Space Travel zafiksavali rost hetaha pakazčyka na 20-25%.
U PAC Group raspaviali, što ŭ dva razy pavialičyłasia kolkaść zapytaŭ na atrymańnie viz u Ispaniju i Francyju, na 30-40% — u Italiju, na 10% — u Hrecyju i Vienhryju. U listapadzie 2025 hoda Jeŭrakamisija abviaściła ab prypynieńni vydačy hramadzianam RF šmatrazovych šenhienskich viz.
U paviedamleńni JEK havaryłasia, što rasiejcam «daviadziecca padavać zajavu na novuju vizu kožny raz, kali jany płanujuć pajezdku ŭ ES».
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary